30 أكتوبر 2008

محامية نهى تنوي استئناف القضيه لصالح المتحرش

انا هايحصللي حاجه في نافوخي
اقروا ولو حد فاهم حاجه من اللي بيحصل
يبقى يفهمني

24 أكتوبر 2008

أخيرا جييييييييييييييت

وحشتونى قوى والله
بس ياترى انا وحشت حد ؟؟
المهم بجد المدونه بقت حلوه قوى ومواضيعها جميله جدا
اعذرونى انى مش هقدر ارد لانى بجد عندى احساس كده مخلينى مش عاوزه اتكلم
علشان كده ياريت محدش يزعل منى بس انا متبعاكم

14 أكتوبر 2008

يوم الإتنين

كان يوم جميل :)

إللي عاوز يعمل تعديل على الموضوع ويوقع تحت كلامه ويقول قد ايه كان يوم جميل

يكتب:)

وانا هعدل تاني واقول قد ايه كان يوم جميل :)

معلهش والله بجد اني معرفتش الاقي باقي البنات واقولهم بسرعة كان نفسي اقابلهم .آسفة :)
samamasr
..
((يوم الإتنين))
يومها أنا خرجت الساعة 7 تقريبا أو قبلها..وركبت ووصلت للمحلة أولا..قابلت إيمان الشاردة..ركبنا هناك مع بعض لجامعة المنوفية..
كان ورانا مشوار هناك في الأول..
بس إيمان معرفتش تيجي معايا لظروف..علشان شغلها وعلشان مش تتأخر :)
___
سافرت بعدها من المنوفية للقاهرة
ووصلت
ركبت المترو..ووصلت للتحرير..مشيت طريق طويل علشان أوصل لكافيه كوستا..رغم انه كان في مكان أقرب ليا تقريبا :)
والحمد لله وصلت..وفي طريقي أول مرة كنت فيها أشوف برج القاهرة كمان :D
المهم..
وصلت..
كان في الكافيه بقالهم ساعة تقريبا..
أول واحدة كانت جت هبة houba
وبعدين كان جه بعدها ومنتظر معاها..مروة قمر الليالي..وسالي sahari
كانت طبعا أول مرة أشوفهم..كانوا كلهم زي العسل فعلا بجد
سلمت عليهم وبوسنا بعض :)
هبة..حسيتها مختلفة وقلت لها..إنتي أحلى بكتير قوي مما كنت متصورة كمان :)
حسيتها صغنونة قوي..وإنسانة رقيقة هي جدا..الإختلاف..إن هي أجمل بكتير من الصور جدا جدا :)
سالي..بسم الله ماشاء الله عليها بجد..كنتي أمورة جدا يا سالي وبجد زي العسل وطيبة قوي قوي..حسيت شخصيتك بجد خجولة كتير..كسوفك وانتي بتضحكي كنتي زي العسل :)
مروة ..زي العسل يا مروة بجد..وفرحانة قوي إني شفتك..كنتي جميلة بجد ..شخصيتك جميلة بجد..وكلامك عاقل وموزون..وانتي جميلة جدا شكلا ومضمونا كمان :)
اتكلمنا مع بعض كتير..ونزلنا انتظرنا باقي البنات تحت :)
______
بعد شوية..لقيت وانا قاعدة..فجأة واحدة بتخبط عليا :D
بصيت ورايا :D
لقيت بنوتة أول مرة أشوفها
طبعا خمنت..بصي يا ستي..
انتي فنون :D
لا :D
هقولك..بنوتة مصرية صح :D
هه..لا :D
مارو :D
لا..يبقى انتي نانسي :D
كانت نانسي mad chemist
وكانت أول مرة أشوفها
نانسي..
انتي فعلا زي العسل..وشربات قوي يا نانسي..مش مجاملة ولا نفاق..لكن ده بجد..إنتي زي العسل قوييييي
حبيتك فعلا قوي لما عرفتك عن قرب وقعدت معاكي بعيد عن الماسنجر :)
وطبعا..مارو كانت مع نانسي..
بقول لنانسي..مين فيكم بيقول هو بنت مين :D
نانسي قالت لي..مارو بنتي :D ومارو قالت لي..نانسي مامتي :D :D
أول مرة أشوفك يا مارو..Pandita
مارو..إنتي فعلا فيكي من منة شلبي كتير..صدقيني اقتنعي بقى بكدة :D
بس كل ما أقولها كدة تزعل :D
إنتي وربنا عسولة يا مارو..وصغنونة بجد..قلت لك ان شخصيتك في المنتدى أو الماسنجر كانت بتحسسني انك كبيرة مش صغنونة زي ما شفتك :D
مارو جميلة فعلا قوي..ونانسي رائعة:) مش نفاق أبدا كلامي :)
وربنا يخليكم جنب بعض :)
نانسي زي الطفلةفعلا..بتهزر وتضحك حسيتك طفلة يا نانسي..انتي طفلة بجد..وطفلة جميلة صدقيني وتتحبي فعلا كتير
ومارو بالمثل..طفلة هادية :)
__
اتكلمنا أكتر مرة تانية
بعد شوية..كان معاد وصول القمراية
سندريلا :)
متتصوريش أنا كنت فرحانة إزاي لما شفتك..بجد مش مجاملة نهائي
كنت كل شوية أبصلك وأضحك
صدقيني كنت فرحانة قوي بيكي وانتي جنبي فعلا..
دخلت سندريلا وسلمت على الكل..وقعدت جنبي :P
كنتي ساحرة بجد..واسألي كل الموجودين..نورهان قالت لي كانت بتشد بجد وكلنا حبيناها :)
_______
وصلت..نورهان
نورا :D
نورا..انتي صغنونة قوي بجد :D
بجد صغنونة :D
دخلت نورا..وسلمت على الكل..وعلى سالي..وسلمت على هبة قوي لأنهم أصدقاء..واتعرفت على الكل :)
قلت لها..يا عسل..انتي صغنونة قوي عن ما شفتك بجد :D
فضلت أبص لها كتير :D
نورا.صدقيني فيكي حاجة بتشد :D
____
وأخدهم الكلام مع بعض..
مارو ونانسي وسالي وسندريلا وأنا معاهم..لكن هبة..ومروة..سكتوا كتير..هنضربهم كدة إن شاء الله :D
___
سالي اضطرت تستأذن..لأن وراها كورس جيتار :)
وسلمنا على سالي..بس لو كانت بس انتظرت شوية حاجة بسيطة بس :D كانت هتقابل وتسلم على باقي الناس :D
سالي

بجد تتحبي وضحكتك جميلة وانتي جميلة ورقيقة :)
____
اتأخرت فنون وبنت مصرية..وكلمناهم كتير
مارو كلمتهم كتير..وكنت عاوزة اتكلم في التلفون..بانت المعادن في المواقف الصعبة دي..مارو اتبرعت ليا بتلفونها :d
>>
وأخيرا :D
جم :D
كنت عاوزة أضربهم..وبالأخص..أنا كنت عاوزة أضرب بنت مصرية :D
فنون..قلت لها..متقوليليش أنا الكبيرة دي تاني..خاااااالص...بتاتا :D
مينفعش أصلا كدة :D
تقولي..طبعا..أنا الكبيرة :D
سلمنا على بعض كتير
وقلت لبنت مصرية :D
أنا هضربك..بجد :D
يا قمرة..وسلمت عليها :)
بنوتة مصرية..انتي هادية قوي..ورقيقة بجد..وعنيكي بتضحك :)
اعذريني لو مش اتكلمت كتير.لكن..انتي جميلة ورقيقة :) ربنا يحفظك بإذن الله :)
وفنون..انتي زي ما انتي..تلقائية وطبيعية وطيبة. مش هقول كلمة طبعا .انتي زي ما انتي مش مختلفة أبدا :) وطفلة :)
____
في الكافيه..اضطر الناس يعدلوا الترابيزات والكراسي..لأنه كان ضيق وإحنا كان عددنا كبير
سلموا على بعض..وكانوا فرحانين وهما شايفين بعض
وبدأت الألقاب إللي أطلقناها على بعض أو التشبيهات :D
بنت مصرية وفنون..كانوا بعاد..كل شوية أبصلهم..وأضحك :D
وجنبي عن يميني..سندريلا...سندريلا يا قمرة...مبقولش اسمك علشان لو مش عاوزة نقوله بس :)
كانت على يميني سندريلا..وشمالي مروة قمر الليالي..وبعدين مكان سالي قبل ما تمشي..وهبة
وجنب سندريلا بالترتيب
نورهان..ومارو..ونانسي..وبنوتة مصرية..وفنون..
بس الترابيزات.كانت في جهة واحدة احنا قاعدين لها
وبالتالي..في آخر الترابيزة فنون وبنت مصرية..كانوا بعيييد هنااااااااااااااااك :D
شايفاهم من بعيد ملحقتش كدة :D
هبة ومروة كانوا ساكتين كتير..لأن اللمة كانت كبيرة فعلا :)
مروة..انتي جميلة يا مروة فعلا :) وعاقلة كتير حسيتك قوي يا مروة :)
..
بلغت فنون إنها تضرب بنت مصرية..ملحقتش أقعد معاها أصلا وأضربها :D
كل ده بهزار طبعا :)
بنوتة مصرية...اوعي تزعلي :) بهذر معاكي على فكرة :)
يمكن بس بقولك كدة..لأنك كنتي بعيدة :)
كنتي قمراية يا حبيبتي :)
...
هبة قالت لفنون..إنها فيها شبه كبير قوي كأنها توأم لإيمان مملكة الاحزان..
افتقدنا وجودها ووجود مروة ميل..لأن ايمان في اسكندرية طبعا مش هنا :) ومروة مشغولة كتير :)
.....
سندريلا..كانت قاعدة جنبي زي العسل بجد..بجد حابة أقولك انك فعلا كنتي زي العسل..كنت فرحانة بيكي
..
اتكمت ايمان الشاردة وسلمت على الكل..
طبعا زعل الكل..إيمان معرفتش تيجي وكان عندهم أمل إنها تيجي..بس معرفتش
اللمة كانت ناقصة ايمان..وافتقدها الكل
بس انا شفتها :D
بس كانت اللمة نفسها مفقتداكي يا ايمان :)
.....
جت الساعة 5 انا وسندريلا قلنا هنقوم
كانت مارو برضه هتقوم ساعتها..لأن نانسي كانت صايمة ولازم تروح تفطر :D
فقومنا كلنا :D
وسلمنا على بعض
وسلمت عليهم تاني
وقلت برضه لبنوتة مصرية اني هضربها...بس معرفتش..المسافة بينا كانت بعيدة..شفتها من بعيد ..
كنت عاوزة أكلمها أكتر هي وفنون بجد ..بس ملحقتش..وأكيد سندريلا كمان ملحقتش..لأنها كانت جنبي يعني بعيدة :)
روحت مع سندريلا..وكنت سعيدة قوي بيها..وأنا عارفة إني قصرت في حقها :)
___
نورا..عاوزة أقولك اني شايفاكي النهاردة زعلانة
كنتي انتي فرحانة قوي باللمة..
ليه كدة اتحسدتي والنهاردة زعلانة بس..
إن شاء الله كل خير :)
.........
هبة كتير قالت شكرا على اللمة..انتي طيبة يا هبة بجد..بجد فعلا قوي يا هبة..
هبة
قصرت في حقك في البوج والبوست ده..وفي كل حاجة :)

شكرا ليكي يا هبة..شكرا ليكي كبيرة :)

مش عارفة أقول كلام كتير عنك

بس انتي الطيبة فعلا زي ما انا دايما عارفاكي :) وكتير قوي يا هبة :)
______
باقي البنات..شكرا اننا اتجمعنا..وشكرا انكم جيتم :)
بترتيب حضوركم جميعا :)
هبة :)
مروة :)
سالي :)
نانسي:)
مارو :)
سندريلا :)
نورا :)
فنون :)
بنوتة مصرية :)
________
وصدقوني مقصدش أبدا أي مجاملة في كلامي في أي كلمة قلتها :)
واعذروني لو بدون قصد جاملت :)
وبعتذر لو قصرت في حق حد بكلمة :)
________
زي ما قلتم..أتمنى لين كانت تكون موجودة :)
وبنات كتيرة..بعتذر لهم..قلت لناس مش عرفوا يجوا.وناس بعتلهم بس مكنوش شافوا الرسالة.بعتذر لهم
_
إيمان
بعتذر..أنا كاتبة اسمي..لو حابين تتكلموا عن مقابلتكم انتم.ممكن تعملوا تعديل على الموضوع براحتكم :) علشان كدة تكتبوا اسمكم أقصد :)
وأتمنى تكونوا بخير..وأتمنى نورا تكون بخير :)
___
بعتذر..لو حد تاني زعل..يمكن أن مقابلتنا كانت بنات بس :)
......
ههههه. صح هعمل تعديل على الموضوع هزود حاجة افتكرتها :D
نانسي ومارو فكرونا بحاجة :D
هما كانوا بيتكلموا عن إعلان فودافون اتكلم بالليل :D
فنانسي بتقول
الإعلان إلللي خاطفين فيه الولد
الراجل اللي خاطف هو اللي بيتكلم من تلفونه
وأبو الولد بيقوله..نتكلم بالليل :D
ومارو قالت نفس الحكاية
قلت لهم يمكن باعتله كلمني شكرا :D
افتكرت..بس..صح
هو الراجل بيقوله نتكلم بالليل..طيب لو هو اللي طالب :D
هههه..افتكرت بس وضحكت..طنشوا كلامي طيب..بس افتكرت كلامهم بس :D
.....
صح..إحنا كنا في كوستا :)

12 أكتوبر 2008

من اين نبدا (1 )؟؟؟؟؟؟؟؟












مع الاعتذار لفنون عن العنوان







الفكره فكره محمد قباري وقررنا ننشرها في المدونات بتاعتنا كل واحد يقول مجموعه افكار عمليه للبدء والاستعداد
الاستععدا لايه؟


للتغيير ياضي العين
للاصلاح
كنت كتبت موضوع عن كده من شهر وهاستعرض بعض النقاط وهاضيف حاجات

http://egyfilm.com/Forums/viewtopic.php?t=240109&sid=e12909cede38d74e5317d2f62634b393


الحلول العمليه رقم 1

الوعي القومي


مش من نوعيه مصر هي امك ورقبتي فادك يامحسن بييه؟

لا وعي اهم اننا لو ماهتميناش بابلد اللي هي اصلا اتدمرت خلقه يبقي نروح نشوف لنا بلد تانيه
اه بس ياحلو منك له مافيش بلد هترضي تاخد لاجئين
انت اصلا امكانياتك ايه وهتضيف ايه اصلا للببلد اللي هتروح لها
فيه ناس هتقول اننا مش هنحقق ذانتنا الا لو طلعنا من هنا
انا بقولكم اه صح وانا واحد منهم فعلا مش هينفع احقق ذاتي الا بره مصر
بس ليه قولت كده؟

علشان الجو الموجوده في البلد مابيسمحش بظاهر قدراتي وامكانياتي ولا بيعترف بافكاري؟
علشان اغلب سكان مصر بما فيها الحكومه بتعترف بالكليات ذات المنصب الاجتماعي فقط
زي الطب والهندسه وكليه الشرطه وخلافه علشان دول اللي بيبجيبوا فلووس ومركز وعروسه وعربيه وفيللا وعقد عمل

انا طبيب اه لكني خجلان وحاسس بالعار لاني مش شايف ان الاطباء فادوا مجتمعم بجد ولا عملوا اي انجازات اللهم الا عدد قليل جدا يحتذي بهم واضافوا لتاريخ مصر في مجالات الادب والسياسه والفن والدين
واصبحوا رموز يحتذي بها وبفخر

مع ان ناس تانيه خريجين اداب او تجاره او حقوق قدروا يحققوا حاجات كتيره واصبحوا ناس فعاله في المجتمع المدني وناشطين

وفعالين في خدمه الوطنابرزهم ناس زي عمرو خالد ودكتور محمد سليم العوا ودكتور عبد الوهاب المسيري ودكتور يونان لبيب رزق والصحفي محمد حسنين هيكل والشيخ الشعراوي ودكتور احمد زويل والاديب نجيب محفوظ

ودول كلهم مش خريجين طب ولا هندسه ولا شرطه
وغيرهم وغيرهم دول ناس لهم بصمه في تاريخ مصر المعاصر

لو الاهالي يغرسوا الامثال دي للشباب ويحثوهم علي المسيبره وان يكون فيه فعلا اهتمام حقيقي بباقي الكليات وان الناس مش تبص لخريج التجاره علي انه فاشل ولا بتاع الحقوق علي انه عاطل ولا بتاع الاداب علي انه تافه
ان الناس تشجع ان اولادهم يشقوا الطريق اللي هم عاوزينه بنفسهم ويساعدوهم والحكومه برده نفس الكلام
يكون فيه تغطيه اعلاميه وصحفيه كبري للموضوع ده لان برده لسه 70 بالمائه من شعب مصر بيقاتل علشان كليات القمه والثانويه العامه الفاشله ومافيش فايده
عمر ماهيحصل ازدهار في بلد بتهتم ب 3 مجالات بس

هو المهندس الزراعي او العامل او الزبال او الموظف اقل مننا في ايه؟

بياخد مرتب اقل؟بيعاني من ملل الحكومه ونظره المجتمع الكئيبه له
طيب هو عمره ماهيشتغل كويس ولا بذمه كول مافي النظره دي
نفس الحكايه لخريج الجامعه الحديث لو كان تجاره

هيعاني علشان شغل ولازم يجيب واسطه ولازم يبوس القدم ويبكي الندم انه دخل الكليه الفاشله دي
فيطلع معقد

فيلعن البلد ويقول ماتلزمنيش ويكرههها ويسافر بره او يهاجر او يغرق في البحر
ويبتدي الاحساس العام بتلاشي الانتماء وحب الوطن بالسلامه ياقلبي وانا داعيلك
شفتم انا اقصد ايه؟

الخلاصه ان لو فعلا حبينا شغلنا واخترناه بارادتنا هننجز فيه بجد لكن مش الشغل ولا المركز اللي يتفرض غصب عننا
كتير جدا بيشتغلوا بدون ان يحبوا وظيفتهم


الحل رقم 2


الوعي الديني


في ال 5 السنين اللي فاتوا حصل تطور في الاعلام الديني بعشرات القنوات الفضائيه اللي جذبت الاف من المصريين حولها

ودعاه متعددين مش هاتكلم عنهم منهم من له ضمير ومنه من باع زمته للشيطان ومنهم من يقول هجص وخرافات وبيلحس الدماغ ومنهم من فعلا اثر فيا وكان السبب في تغييري وتركي لحاجات كتير
ه

بس انا عاوز اشيد بالدعاه الجدد العصريين وخاصه ان الداعي لازم يكون قريب من الشباب ويقدر يوصل لهم وياثر فيهم مش يشخط فيهم ويزعق لهم

الخطاب الديني بصراحه فيه ازمه كبيره ومصيبه رغم انتشار الفضائيات لكنه مازال يحتاج الكثير ليصبح عصريا ومؤثرا

اولا مجموعه من الدعاه بينادو بالنقاب والحجاب الشرعي ماشي مافيش مشاكل
بس هل ينفع ان كل سكان مصر يتنقبوا؟ او يتحجبوا

فيه طبقات معينه لاتعرتف بالحجاب لاسباب عديده منها منظرهم في المجتمع المخملي خاصه لو كانوا من الطبقه الراقيه مش كلهم طبعا بعضهم والبعض الاخر لا

منهم من يشغل مناصب هامه في شركات متعدده الجنسيه او كمناصب سيااسيه والحكومه لها نظره خاصه في الموضوع ده ولو حصل ان واحده هتبقي لابسه حجاب هتلاقيها لابسه حجاب اي كلام بس اهو اسمه احجاب والسلام

المشكله مش مشكله حجاب ولا نقاب
مانا لامؤاخذه ممكن ابقي لابسه نقاب ومش باين حاجه مني وابقي والعياذ بالله ماشيه بطال ولا نفسي اماره بالسوء
والعكس بالنسبه لغير المحجبات ناس كتيره جدا منهم محترمين
ودي مش قاعده طبعا

والمصيبه الاكبر الفتيات مابين 16 ل 21 بيرتدوا حجاب قميء ومقزز علي راي يوسف معاطيمن فوق عمرو خالد ومن تحت عمرو دياب

,ودي مشكله ادهي لان انا شايف ان السبب الرئيسي للتحرش الجنسي مهمها الناس اختلفت معايا هو لبس المحجبات اللي اصبح مثير للغرائز بشكل رهيب فبيحصل مشكله عند الشاب العاطل المكبوت جنسيا المحروم عاطفيا لما يلاقي المحجبه لابسه كده وماشيه متبرجه وهو اللي المفروض انه يغض بصره طبعا ويعف نفسه علي اد مايقدر وانه يصبر ويصوم حتي ياتيه الفرج

المطلوب منه انه يعتبرهم اخواته وطبعا مش كل الشباب زي بعض فبيضطروا لافراغ شهوتهم بطرق تانيه زي افلام البورنو والعاده السريه او يلجا لربنا ويطلب منه العون
لكن بصراحه ليا نظره تانيه خالص انه ممكن يحصل له تناقض جوه نفسه
هو مش ده الحجاب اللي ربنا امر به؟. طيب هم لابسين كده ليه وليه بيعملوا فينا كده

هم مش حاسين ان احنا تعبانين ومحرومين وبيعاني اكتر لما يلاقي الاعلام بيشجع المحجبات الجدد المتبرجات وبيساندهم وعلي فكره اصبحوا يسغلوا حوالي 40 بالمائه او اكثر من محجبات مصر ودي نسبه مشضئيله
بيحصل اضطراب في نفسيته وبيتدخل عوامل كثيره جدا منها احساسه بفقدانه لانسانيته ولاحترام المجتمع له ولاحساسه بانه مالوش لازمه في الدنيا وانه مركون علي الرف

بالاضافه انه عاطل عن العمل ومكتئب او بيعمل وظيفه حقيره وحقد طبقي نحو الشباب الاخرين نتيجه لظروفه
ده كله بيحوله لوحش هايج جنسيا ولو انه مش جنيسيا بالظبط هو مجرد غاضب من الوطن ومن المجتمع ومن المتغيرات والتناقض في نفسيات البشر

بييحوله لمضطرب نفسسيا عاوز يصرخ

فبيجد اقرب فريسه واللي تهم المجتمع العصري وهو بناته او الاناث الخاصين به
ياما اغتصاب باما معاكسه ياما تحرش ياما سباب من اللي قلبك بيحبه
وده مش ذنب البنت ولا ذنب الشاب

ده ذنب المجتمع اللي وصل الاتنين للمستوي ده
ولغياب الخطاب الديني والاجتماعي والانساني

ده نتيجه لتحليل نفسي قمت به ومتاكد انه صحيح بنسبه 70 بالمائه

الحل

زي مانا قلت ان المساجد تفتح ابوابها بعد الصلوات الرسميه للندوات والمحاضرات الدينيه الهادفه الهعادئه يقوم عليها اشخاص معتدلون محافظون مثقفين

ان اخطاب الديني يتم مراجعته مش معقول يبقي كله الدعاء علي النصاري وابيهود والحكام الظالمين
مانبص لنفسنا احنا الاول نشوف اخواتنا
الاهل يقعدوا يبقوا اصدقاء لاولادهم يتكلموا معاهم في سياق اسلامي عصري عاقل معتدل

مانشوف ولادنا اللي بيقعدوا في الشوارع ماحدش منهم بيتحرك لما الادان بيادن
ماحدش فاهم دينه الا من معلومات سطحيه او مغلوطه من النت او الفضائيات
ماحدش بيجرب يفتح ويبحث ويقرا ويسمع
والادهي انهم مش لاقيين مين اللي يقدر يوجه لهم النصيحه
الكل بيمشي في الشارع بيسب الدين وماحدش بيتحرك لما حد يسب الدين
يبقي جنابك تقف وتقول له حرام عليك
وتنهيه عن دهلما تشوف منكر تغيره بايدك لو لسانك او قلبك وده اضعف الايمان
لازم تاخد موقف من الدنيا مش معقول ان يبقي سب الدين كده عمال علي بطال
مش معقول انك مابتتقيش ربنا الا في 30 يوم بس

وياريتك تتقيهم علي وجه حق ده انت بتبقي عاوز طلبات من ربنا اد كده وتقعد تعيط له وتدعي انه يحقفقها لكطيب وانت اصلا حققت ايه تجاه اخرتك ولا دينك ولا تجاه ربك؟
,وبعد رمضان بتنسي كل حاجه وترجع ريما لعادتها القديمه
الحل انه يبقي فيه وعي ديني قوي ومستمر الشباب نفسهم يقدروا يقوموا بالدور ده علي قدر مايقدروا
ادعوا للعمل الصالح في شغلك او جامعتك او بيتك او لمراتكاو لولادك

لما تتعود كل يوم تصحي علي ادان الفجر وتعف نفسك بصيام الاتنين والخميس وتعطي الصدقات وتحسن للفقير ولزوي الحاجات
لما تكون مثال للشاب المسلم الصالح اكيد اللي حولك هيتاثروا وهتسب في قلوبهم بصمه




حل رقم 3

العمل الجماعي الاصلاحي


مش محتاج كلام لكن جمعيات زي صناع الحياه ورساله وغيرهم عملوا شغل ولو بنسبه ضئيله مفيده للمجتمع
عمرو خالد رغم كل شيء واختلافي معه في بداياته كداعيه
الا انه اثبت انه صاحب فكر وتوجه وصاحب مشروع ضخم وله حلم عاوز يحققه
اظن ان اللي شارك او سمع عن حمله الادمان واللي هيشارك في حمله التعليم والحملات الاخري
هيعرف ان ممكن حاجات كتيره جدا تتغير
انت فاضي ساعه ولا ساعتين في الاسبوع روح شارك في عمل خيري او نشاط خيري
فيه ناس كتيره محتاجه مساعدتك ياريت تقف جنبهم
الحكومه م هتتحرك علشان المؤخره بتاعتها تقيله ومليانه ومش هتعرف تهزها حبتين
يبقي نتحرك احنا
المفروض ان كلنا اخوه ونساند بعض وعمر مافي دوله هتتقدم طول ماحنا برطات وكل واحد ماشي لوحده
العمل الجماعي هو الحل

بدل مالبنات اللي قاعده في بيوتها مابتعملش حاجه غير مستنيه قطار الزواج تروح تشارك في اي جمعيه علي اد ماتقدر
بدل مالشباب مقضيينها خروجات وقعده علي الكافيهات يتلحلحوا شويه
البنت نفسها اللي بيقلواوا عليها عانس هتسترد جزء من روجها وتحس باهميتها لما تشتغل في العمل الخيري بس بنيه سليمه مش نيه رايحه اشوف لي عريس

حل رقم 4


اه يابلدالويل للطغاه

اتفو عاي ام دي بلد

يلعن البلد وعيشتها
منكم لله ياظلمه

احييييييييييييييييييييييه
احنا بناخد فيها

مافيش فايده

دي كلها كلام بيتقال من معظم الشعب في المقاهي والشوارع ناحيه الحكومه والنظام والحزب الوطني
اه الحزب الوطني حزب ابن ستين كلب نجس كل اللي فيهم شويه قوادين ومومسات وحراميه وشواذ وبلطجيه لابسين كرافتات وراكبين عربيات ومطلعين ميتين ابونا بقالهم 28 سنه بما فيهم الفرعون الكبير بتاعهم
عارفين الناس دي جت منين؟

جت مننا
من وسطنا

ناس زينا لاقوا ان الجو بيسمح بده وان فيه تطنيش وتسيب وعدم شعور بالمسئوليه وحااله خمول
نتيجه لاهتمامنا بلقمه العيش وزواج البت وتجهيزها والترقيه والثانويه العامه وليله الخميس وحبه الفياجرا والواسطه والشغل وماتش الاهلي والزمالك وطابور العيش
اهتمامنا الازلي بالحاجات دي خلت الطريق مفتوح للباقيين اللي طلعوا وعرفوا يركبونا
اوعي تقولوا الحكومه هي البي سابتهم كده
لا ياعين امك انت وهو انت السبب منك له

انت لو كنت فعلا بتهتم بالعمل في السياسه وبتهتم بحق شعبك واين يهدر المال العام ومابترفعش قضيه ولا بترشح نفسك في مجلس الشعب ولا بتحاول تعرف دستور بلد ولا بتحاول تعرف اللي ليك واللي عليك
مكانش ده حصل
هتقولي سياسه ايه مانت عارف اللي فيها

هياخدوني امن دوله ويحطوا العصايه في مؤخرتي او يغتصبوني وينتكوا رجولتي او يههدوني بالنفي

اه حصلك كده

يبقي تسكت وتنعزل؟

لا طبعا عليك وعلي القضاء
القضاء فااسد؟
علي النيابه؟
برده؟
علي جمعيات حقوق الانسان؟
علي الاعلام؟
برده هتقوللي مس هيسبوني في حاللي

بص انا عن نفسي خرجت من الحزب اللي كنت فيه لاسباب تانيه ان لقيت مافيش اهتمام فعلي ولا خطوات بتتحقق وان المصاعب والعراقيل واقفه ادام طريقنا السياسي وان مافيش اصلا اعتراف في البلد بحاجه اسمها الاحزاب
ليه

لان اصلا اي حزب مافيهوش االا 200 او 3000 واحد بالكتييرلا ومابيعملوا حاجه خالص
اللهم الا جماعه الاخوان المسلمين اعداهم كبيره ورغم اختلافي معاهم في نواياهم لكن علي الاقل لهم نشاط فعلي سياسي هم وحركه كفابيه وجذبوا انظار العالم لهم رغم العنف والاضطهاد ضدهم
مابقولكش تبقي اخوانجي ولا اشتراكي

عاوزك تبقي مصري مسلم عزيز النفس
يوم ماحصل 6 ابرل حصلت فوضي وهرتله وتجاوز حدود

عاوز تعبر عن احتجاجك يبقي فعلا ايجابي سلمي
استنفذت كل طرقك السلميه وصرخاتك مالهاش مستجيب
يبقي تسنتني مع الباقيين في انتظار الانفجار الوشيك والتغيير العنيف اللي هيحصل وهيسقط منه دماء كثيره
بس ماتنساش حاجه مهمه

مثلما تكونوا يولي عليكم

اللي هييجي ده علشان يحكمك لو انت فعلا فاسد ومهمهل ماتتوقعش انه هيبقي احسن منك






واخيرا

حمله ضخمه من الكتاب والمجلات المحترمه والصحف تالمستقله لنبذ جميع سلبيات المجتمع والافكار المتخلفه والقديمه والعادات الهمجيه ومشاركه كوكبه وصفوه المجتمع الثقافي وشباب المدونات وشباب الصحفيين في غسل جميع القاذورات القديمه وتلميع الدماغ وسنفرتها

باقي الحملات سيتولاها زملائي واصدقائي باذن الله



10 أكتوبر 2008

فضفضـــه ,,

لمّا تكلم بعض الأخوه فى المدونه عن علاقته بالآخرين , وعما اكتسبه منهم وتأثر به من مخالطته اياهم ,,
وجدت لزاما علينا أن أتحدث ولو بالقليل عما أشعــر به ,,
وبعيدا عن الفصحى التى تزيّن كلماتى ,,
انا بحبكم اوى على فكره (( ابتسامه ))
بحبكم ونفسى ربنا يكرمكم كلكم , ويحققلكم اللى بتتمنوا من الحياة ,,
نفسى ربنا يكرم قبارى ويوفقه فى حياته , ويحققله الحياة والمستوى الاجتماعى اللى بيسعى ليه وبيتمناه ,,
وهيوصل ان شاء الله للى عاوزه ,,
احلم يا كبارى ,,
احلم , محدش يقدر يحرمك من الحلم ,,
ونفسى ربنا يكرم ماجا ويباركله فى حياته , ومتخافش يا حبيبى , هتبقى سعيد فى حياتك , انا واثق فى الله انه هيوفقك
وربنا أكرم بعبيده من أى حد , لو الدنيا كلها كانت ضدك , متخافش ربنا معاك بجد ان شاء الله
وعلى فكره انا واثق ان شاء الله من أنك من أبعدنا عن اليأس والقنــوط
وربنا هيرزقك بالزوجه الصالحه ان شاء الله اللى تسعد بيك وتسعد بيها , لأنى بصراحه شايفك اتأخرت وعاوز أفرح بيك (( ابتسامه ))
أما عن دكتور محمد ,,
فانا نفسى ربنا يوفقه فى حياته ومستقبله ويرزقه بالصحه والعافيه والاخلاص والرزق الوفير ان شاء الله ,,
ربنا هايحققلك كل اللى بتتمناه يا محمد والله , طالما انت بتتقى الله ومع ربنا فى كل كبيره وصغيره هايكرمك ويوفقك يا حبيب قلبى ,,
شد حيلك انت بس يا دكتور , وبعدين ده انت دكتور يا دكتور , وربنا هيرزقك بالعيون الخمسه بتوع الدكاتره ان شاء الله (( ابتسامه ))
عارفهم ولا اقلهملك ..؟!
ويا أختى الطيبه ايمان سما مصر ,,
نفسى بس يا اختى تثقى فى نفسك اكتر , انتى عارفه ...
انتى اكتر واحده فينا ربنا هايكرمها فى حياتها , وهاتشوفى ,,
لأن ربنا ابدا لا يظلم العبــاد , وانتى من أبعد خلق الله عن السوء والحقد والغل وامراض القلــوب ,,
بس انا نفسى بجد ربنا يرزقك بالزوج الصالح اللى يقدر الكنز اللى هايكون معاه , ويعرف يوظف طيبتك وحنيتك دى لصالحك ,,
ربنا يكرمك يا أختى يارب
ويا أخت فنون ,,
مش عارف اقول ايه بصراحه ,,
بس صدقينى القدر ده من عند ربنا الحكيــم العليــم , ولا يمكن ربنا يقدر شئ هباء وبدون حكمــه
لا , حاشا لله ..
قال تعالى (( إنا كل شئ خلقناه بقدر )) , فمتخافيش من المستقبل ,,
ومتخافيش من القدر , اكيد اللى جى أحلــى ,,
وانا واثق ,,
وربنا يحققلك كل اللى بتتمنيه , وييسرلك الأمر انك تخدمى الاسلام والمسلمين ,,
وعلى فكره انتى حنينه اوى
وأما الأخت بنت مصريه ,,
انتى طيبه على فكره يا أختى ,,
وضعيفه اوى عن اللى ظاهر صدقينى ,,
والضعف ده حلو على فكره مش وحش ,,
بس اهم حاجه تخلى بالك من نفسك اوى ,,
وتشوفى انتى عاوزه تعملى ايه لدينك اللى عاوزه تخدميه , وبعد كده اعملى كويس للهدف ده
وانا نفسى تكتبى وتدافعى عن الاسلام بالكتابه لانك بتكتبى كويس اوى ,,
وفى رأيى أحسن واحده بتعرف تكتب فينا وتعبر عن نفسها هو انتى , خاصة فى التعليق على المواقف بكلمات قليله ,,
على فكره انتى هشّـه اوى ,,
وأما بقى عن أختى الرومانسيه الرقيقه سندريلا ,,
فمتخافيش من اللى جى , وانا واثق فى ربنا انه هايحققلك اللى عاوزه ,,
لأن انتى مخلصه اوى وبحس فيكى السكون والهدوء بطريقه غريبه ,,
أهم حاجه تعلمى اولادك السكون والهدوء اللى فيكى , ونفسى ربنا يرزقك بانسان صاحب حس عالى وراقى يعرف يوازن السكون والهدوء اللى فيكى ,,
هاتبقى حياتكم ممتعه اوى ان شاء الله (( ابتسامه ))
أما عن أختى الشارده ,,
متخافيش مشروعنا على المنتدى الاسلامى اكيد هايفشل (( ابتسامه ))
لا طبعا , انا بهزر معاكى ,,
انتى بقى يا اختى باين عليكى الثبات والقوه فى نظرى ,,
بس بقدر ما هو ده باين عليكى جواكى العكس , جواكى ضعف وشجون , جواكى حب للحياه , جواكى حب للدين ومحاولة خدمته
ربنا هايكرمك ان شاء الله
وهايوفقك فى حياتك , واتمنى من ربنا انه يرزقك بزوج تكملوا مع بعض المسيره ويساعدك على اللى عاوزه تعمليه من الخير
وكمان أخى ريلف
ابتسم للحياه يا أخى
ابتسم ومتخافش , ربنا هايكرمك وهايوفقك لانك انسان طيب وحنين
خليك واثق فى ربنا (( ابتسامه ))
.....................
معلش انا كترت الكلام عليــكم ,,
وكمان اول مرة أتكلم عن الأخوات , فاعذرونى لو تجاوزت قليلا , فأنا آســف
بس تقدروا تعتبروا دى فضفضه من القلب ,,
وبالله عليكم تدعولى كلكم كتير ,, انا تعبان شويه , وداخل على مرحله فى حياتى صعبه شويه
انا تعبت اوى وانا بكتبلكم الموضوع ده
تعبت بجد , وحاسس انى خايف
ممكن ابعد عنكم بعد فتره مش كتيره
اتمنى تفتكرونى بالخيـــر
وتدعولى
ربنا يخليكو ليا يارب
السلام عليكم

09 أكتوبر 2008

رسالتــــــــي




رســالتي .... احترت كثيــرًا لأجد إجابة عن هـذا الســؤال ...


أنا إنسـانة طموحـة جـدًا ..
ما أحبش أبقى مجـرد واحدة زيـادة كدة في عــداد البشــر ..
ولا أشغل نفسي بتفاهات .. و لا مجـرد واحدة موقفة حياتهـا على الجواز ..
وكلام بقى من عينة اشمعنى اللي أصغر مني اتجوزا وأنـا لسـة ..

وكلام فاضي كــدة ماحبــوش!!

لازم يبقى لي شخصيتي المستقلة .. يبقى لي حلم وهـدف عايشـة عشـانه ..
لذلك أجــد إن رسـالتي تقــع في اتجاهين:
اتجـاه مهني ..

و اتجـاه آخــر شخصي!!

على المستــوى المهني ..
الحمد لله كنت طول عمـري متفوقة في دراستي وعلى طول من الأوائل ..
أي نعـم شـاء القدر إني مـا أدخلش الكلية اللي كنت بحبهـا ..
لكن الحمد لله دخلت الآداب قسم اللغة الإنجليزية ..
و تفوقت فيهـا و كنت من الأوائل برضه ..
و بدأت أرسـم مستقبلي اللي بتمنـاه ..
دخلت في مرحلة الدراسـات العليـا والماجستير ..
والحمد لله ربنـا موفقني فيهـا و بأعلى التقديرات ..
وعلى طـول بدعي ربنـا سبحانه وتعالى إنه يوفقني في رسم مشواري اللي رسمته لنفسي ..
ومع الدراسـات العليـا فكرت في مشــروع كبير يبقى ثمـرة جهدي وأحس نفسي فيه كويس ..
ويكــون له علاقــة بدراستي و مجــال شغلي كــــ Translator ..
و في نفس الوقت يسـاهم في نشــر الثقافـة والمعـرفـة ..
باعتبـارهم كنـوز لا تفنى ..
و مش هأنكــر الجانب المـادي برضه باعتبـاره من أولويات الحيـاة حاليـًا ..
لكن في نفس الوقت أحس بإني بأقـدم رســالة قيمـة ..
ألا وهي العلــم والثقافــة!!

أمـا عن المستـوى الشخصي ..
فيتركــز في رسـالتي كأم مستقبــلاً ..
في تربية أولادي التربية الإسلامية الصحيحة ..
أربيهم على حب الله والرسول عليه الصـلاة والسلام ..
على أداء الفرائض والعبـادات ..
على حب واحتــرام الأم والأب ..
على حبهم بينهم وبين بعض وخوفهم على بعض ..
على حب الوطن والانتمــاء له مهمـا شـاف فيــه من مسـاوئ ..
على احتـرام الكبيــر ..
على احتـرام الآخرين ومراعــاة شعورهــم ..
على احتــرام رأي الغيـــر حتى وإن كان مخالف له ..
على إننـا كلنـا أمــام الله سواسية .. لا فرق بين عربي أو أعجمي ..
على الصدق .. على الأمانـة .. على المبــادئ .. على القيــم ..
على صحـوة الضمير .. على عمــل الخيــر دايمــًا .. على حريــة الاختيــار ..

على الطمـوح وأهميــة العمــل والاجتهــاد عشـان تحقق أحلامك ..
على حب العلم والثقافـة وأهميتهم البالغــة في تقــدم الأمــم ..
على تقدير العلمـاء وحذوهــم ..
على حب التاريخ والتعلم منـه ..
على التفكير في قضايـا الوطن والعالم من حوله ..
على حب الآداب والفنون والنقـد البنـــاء ..
على الحــوار والمناقشــة وليست السلبية واللامبالاة!!


أفتكــر بكـدة أكون أتميت رسالتي على وجـه كويس ..
طريق طويل وشـاق ..
بس أديني بسعى الحمد لله وباخذ بالأسباب ..
والحلــم لا هـو عيب ولاحــرام!!

شوية اسلاك..و كيبورد


ده كان تصورى فى الاول عن العالم الغريب العجيب اللى احنا فيه ده
تخيلت ان كل اللى هيجمعنى بناسه شوية اسلاك..
نكتب مواضيع..نرغى عن حاجة مضايقانا..نتناقش..نختلف..
نتخانق.. يمكن نتصالح و يمكن لأ..و خلاص
عمرى ما فهمت ازاى واحد عاقل ممكن يكون صداقات باللاسلكى
ازاى ممكن يحول علاقة بشوية اسلاك لعلاقة حقيقية بين بنى ادمين حقيقيين؟
تابعته من بعيد لمدة مش قليلة ابدا..
الاول كنت منبهرة بالفكرة..
بعدين اتخضيت ان فى ناس العالم ده بيمثلها
اكتر من مجرد علاقات سطحية باشخاص غير واقعيين
ناس حولت الهدف من العالم ده من مجرد مناقشات باردة..جامدة..
مافيهاش اى نوع من انواع الاحاسيس البشرية
لعالم حقيقى بين بنى ادمين علاقتهم ببعض اكبر بكتير من الصداقة
بصراحة مجرد الفكرة دى كانت بترعبنى فى الاول..و بتضحكنى احيانا
كنت ببقى عايزة اقولهم فوقوا..
ده الواحد فى الواقع و هو شايف اللى قدامه وجها لوجه بيتصدم فى الناس
ما بالك بعالم مفتوح..اى حد ممكن يدخله..
فرص الكذب و الادعاء و النفاق مش قليلة ابدا
ازاى بتعملوا كده؟
مخى يقولى انتى محبكاها شوية..و انا اقول ابدااا هم اللى بيهرجوا
بعدين خدت القرار العظيم بانى انضم للعالم ده..
و فى دماغى انه استحالة يزيد عن علاقات سطحية
بناس معرفش عنهم غير اسماء مستعارة و صور مش بتاعتهم
تخيلت انى بالكتير شهرين و همشى..تجربة جديدة بالنسبالى و هتخلص
بعد ما قربت اكتر من العالم ده..
اكتشفت انى كنت سطحية جدا فى حكمى عليه
لقيت ناس من ارقى ما يكون..ناس نضيفة بجد..
عقولها محترمة و تفكيرها محترم
لقيت ان علاقتى السطحية بكتير منهم
اتحولت مش عارفة ازاى لعلاقة صداقة و يمكن اخوة كمان
كنت بسأل الاول ازاى ممكن اقرب منى ناس عمرى ما شفتهم ولا شافونى
ازاى ممكن اسمع صوتهم فى التليفون
و ناخد و ندى و احنا عمرنا ما عرفنا بعض عن قرب
اكتشفت ان دى اسألة من اتفه ما يكون..
و اجابتها هى نفسها الاسئلة اللى كانت فى دماغى من الاول
اذا كان الواحد بيتخدع فى ناس يعرفهم..
يبقى المعرفة دى مش سبب كافى ابدا يضمن ان الناس دى تستاهل الثقة..
لقيتنى بتغيربجد..ابتديت اندمج فى العالم ده..من علاقة سطحية..
لشوية كلام عابر..لصداقات و ثقة حقيقية..
مع انى فى العادى صعب جدا ادى ثقتى لحد
اتعلمت كتير..كتير اوى بجد
اتعلمت من فنون
ان الواحد ممكن يكون له "قرين" فى الدنيا و هو مش عارف :)
اتعلمت من ايمان
ان فى ناس لسه طيبة فى الدنيا..كلامها من قلبها..
التلقائية و العفوية صفات حقيقية فيها من غير تزييف ولا لف و دوران
اتعلمت من كبارى
البساطة و الدبلوماسية فى المناقشة..
ازاى ممكن الواحد يقول اللى هو عايزه من غير ما يجرح اللى قدامه..
و حتى لو خسر نقطة فى المناقشة فالاكيد انه بيكسب احترامه
اتعلمت من نورهان
ان فى كيميا ممكن تحصل بين اتنين بنى ادمين عمرهم ما شافوا بعض..
لكن احساس غريب بالالفة بيحصل بينهم من غير عقد ولا ترتيبات
اتعلمت من سندريلا و الشاردة
ان فى بنات جدعة لسه موجودة فى الدنيا
بنات قوية بعقليات مستقلة..
بعيدة عن التفاهة و السطحية
و التدوير على عريس قبل ما القطر يفوت :)
اتعلمت من ماجا..
ازاى الواحد ممكن يفهم دينه صح اوى
و يجمع بين التدين ده و التحضر و الثقافة..
اتعلمت من لكتر
العمق فى التفكير..
و بعد النظر و ازاى الواحد يشوف اللى ورا اللى قدامه
اتعلمت من مصعب..
ازاى الواحد يكون دوغرى..
يقول اللى هو شايفه صح من غير تزويق ولا تلوين
اتعلمت منكم كتير و لسه بتعلم..
و كتير منكم لسه ما عرفتهمش و اتمنى فى يوم اعرفهم اكتر..
يمكن نتقابل فى يوم و يمكن لأ..
لكن الاكيد ان اللى بيجمعنا اكتر من شوية اسلاك و كيبورد