في سريه تامه بعيدا عن اعين المتلصصين والخبثاء والحسودين
تم التنسيق بيني وبين اهم 3 اعضاء في ايجي فيلم
وبفضل الله وعلشان نيتنا سليمه ( ابتسامه) تحقق الحلم
واستطاع العبد لله انه يقابل اعز 3 بجد الواحد مش عارف يقول عليهم ايه ( حبه نفاق)
هو طبعا المفروض ماننشرش الصور اصلا علشان هويتنا تخليها مجهوله بس قلنا نتواضع علشان الشعب المسكين
الرفيق الاخ المناضل الشاعر الرقيق مصعب بيه
ابو دماغ عاليه والنشيط واللي مابيهدمش وابو طموح عالي وامل كبير قباري باشا
واخيرا الفنان والجهبذ ماجا بيه
وده حصل في حضن معشوقتنا الاولي والاخيره الناعمه الساحره الهامسه
اسكندريه
ولا ننسي طبعا فاكهه اليوم بجد والمفاجاه الرائعه
محمد ابن اخت احمد ماجد
بجد صدق كل الكلام والاشاعات اللي اتقالت عليه
طفل مش عادي ابدا وزي العسل
خفه دم ماحصلتش
وشقاوه ماتشوفش
وشبه احمد بافتراء وشكله كده والله اعلم هيطلع زيه بجد والحمد لله بما ان محمد واحمد متكفلين به
فهيطلع وااد فاقد من الاخر
اه نسيت اشكر محمد علي الاكتشاف الجديد بتاع عم عبده اااااااه يابطني ولا السانندوتش الغريب اللي ختمنا به بلاش افضح بس ( ابتسامه )
انا هاتكلم عن اللقاء بالتفصيل الممل بعدين في مدونتي علشان انا مش فايق دلوقتي بعد رحله سفر متواصله مابين القاهره والزقازيق والاسكندريه
يعني لفيت الكره الارضيه علشان اقابل التلاته دول ( قال يعني هقابل اوباما )
هو يمكن الصور مكانتش واضحه اوي للاسف بس احنا اتصورنا في عجاله ومكاناش لاقيين حد اصلا يصورنا
بجد كان يوم جميل صحيح هم 5 ساعات بس اللي قعدناهم لكن كانوا يوم كامل بالنسبه لي خاصه ان اخيرا شوفت مصعب بعد عناء وخلاص ان شالله دايما هنبقي علي اتصال
ملحوظه علي من يرغب في معرفه تفاصيل اكتر او الحصول علي باقي الصور
يرجي الاتصال بي شخصيا وتحديد موعد مسبقا ويمكن اتعطف عليه واقابله
سلام يابني ادمين
هناك 14 تعليقًا:
:D
انتم والله منورين :D
دكتور..والله على فكرة..أنا بفوت على الزقازيق كل مرة بروح فيها اسماعيلية..وبشوف بلدكم كمان :D
انتم منورين بجد :)
ربنا يبارك في النونو الصغير :)
على فكرة والله
انا امبارح وانا في موقف الاسماعيلية
شفت حد..كان تقريبا كدة شكل محمد قباري :)
وبجد انا فعلا قلت لو طلع التشابه ده صح..هسلم عليه فعلا
بصيت..لقيت التشابه غلط..فقلت خلاص ..كنت بحسب ان حد منهم في اسماعيلية كان حد شبهه بجد :) فعلا :)
إ شاء الله تكونوا بخير :)
النونو والله زي العسل جدا
وكل صوره بيضحك
بسم الله ماشاء الله الله أكبر :)
فين الصورة بتاعة الأتنين اللى صورونا و قولنا حنعملهم شكر خاص :D
الصور كانت ناقصة صورة لعبده بيه تشكيلة :D و اختراعه العظيم الفياجرا :D
لا لا أنا ليا صور أحسن من دى بكتير يا عم :D
لا يا إيمان مش أنا اللى كنت فى موقف الأسماعلية .. انا كنت فى موقف أمريكا البلد :D
كروتنا انت يا عم علشان ندخل مدونتك الفاكسة دى :D
تصدق بقى أنا حبيع الصور حصريا لمدونة لمة :D
حلوة اوى الصور بجد هو انا اتلخبطت فى الاول بين مصعب و لكتر نظرا لحالة الحول الشديدة اللى بتجيلى بعد الشغل:D
بس بعد التدقيق الرهيب عرفت افرق بينهم
بحقد عليكم على فكرة..هموت و اجى اسكندرية فى الشتا :(
اوعوا تكونوا اتبسطتوا ولا حاجة لا سمح الله :))
و ماجا الصغير زى القمر ما شاء الله عليه..ربنا يحميه يا رب
بس هو فى سؤال صغير هو عبده ده غير عم حمدى بتاع الكفتة؟:D
يالهوي يايمي طيب ياستي شرفينا في مره لما تيجي بس خليها سبت وابقي هاتي معاكي بقيه الاخوات هههه
كوبري
اسكت بقي انا مسحتها اكنشر صورهم ليه ان شالله؟ مافيش مساحه اصلا علي الموبايل
انت فضحتنا الله يخرب دماغك ماليش دعوه هاخلي مصعب يرد عليك ويبهدلك ههههه
موقف امريكا برده يابتاع امريكا؟
لو تعرف تنزل بقيه الصور ابقي نزلها انت ياعم ده من حقك اشوف فيك يوم ياشيخ
انا حره
ليه يابنتي مانا ليا صوره قديمه مع المقاطيع احمد ومحمد نشرتها لاول مره والناس صعقت لما شافتها مش عارف ليه هههههه
مصعب فعلا فيه شبه مني شويه بس هو اطول حبتين وبلحيه
اه الحمد لله اتبسطنا بس للاسف تاني يوم معرفتش اروح الجامعه خدتها نوم عميق ودايخ لغايه دلوقتي
الدور والباقي علي اللي مش عارفين يتقابلوا هههع
عم عبده ده هاتكتب عنه توبيك فظيع بس لما اجربه كمان مره علشان اتاكد ان مستواه مابينزلش
اللحمه بالبصل كانت جامده
منورين :)
هو أحمد ماجا ماله ؟!
وهيسيب النت ليه ؟!
يا بختكم
واسكندريه كمان
نفسى اعملها مع البنات والله بس اعمل ايه؟
حكم القوىى
حموووووووودي خراااااااااااااافي يا روحي انا عليه
لمتكم كانت حلوة بس ناقصانا طبعا :))
لا ياختي احنا كنا حلوين اوي كده وزي الفل ههههههههههههه
إرسال تعليق