عزاء واجب

عارف ان الوضع مايحتملش اي حاجه وان الكل مهموم باللي بيحصل دلوقتي

بس لقيت ان علي الاقل نقدم واجب عزاء لصديقنا واخونا محمد


قباري البقاء لله وان شالله تكون اخر الاحزان

happy new year

Happy New Year

أحبـــــــابــي ،،

ها نحن نودع عام "2008" ونستعد لإستقبال عام جديد ../ 2009..}

بقيت أيام قلائل ويرحل هذا العام بكل ما حدث فيه من لحظات

،،سعيدة كانت أو حزينه

..!التقينا ،، وافترقنا ..تعاهدنا ،، وتواعدنا ..

وسوف تصبح ¤ الذكرى ¤في عقولنا وقلوبنا ،،

ولن ترحل ..!

فالسنــــــــين بالأحباء أثمــــن ،،،،،،!

ويكفي أن نحمل معآ إبتسامة لنفس ¤ الـذكــرى ¤ تنقذنا أحيانآ من الوحده !لتجمل ملامحنا ..

مـــر الـعـــــام إذآ ،،

وما بين إنتصاراتي وخسائري

لم اجد ما احكيه لكم لاعبر فيه عن سعادتي بدخول سنة جديدة معكم :D

شــــــــكــــــــرآعلى صدآقتكم ٠

شــــــــكــــــــرآعلى ودكم ٠٠

شــــــــكــــــــرآعلى لحظة سعادة ،، اختلستها من أعينكم وأنتم سارحون ٠٠

شــــــــكــــــــرآعلى أوقات فرح قضيتها معكم هزمت أحزآني وأنتم لا تدرون

٠٠شــــــــكــــــــرآعلى وجودكم إلى جانبي دومآ ,,

وأصدق الأمنيات لكم بأجمل الأيام ..

وبنهاية هذا الشهر ،،سوف تنطوي صفحته ..

وقبل أن تطوى

أقول لكم ..::[ إن أغلى هدية قدمتها لي الدنيا هي معرفتكم ومعرفة قلوبكم الطيبه ]

فشكرآ لكم ولها ،

،من أعماق قلبي'وعذرآ ،،، إن قصرت في حق شخص منكم أو أخطأت ....!عذرآ لقلوب أحبتني لا أعلم أهي راضية عني ،، أم ساخطة علي لفعل جهلته أو تقصير تماديت به ؟فها أنا أعيد للقلوب صفائها ...}

( عذرآ ) من القلب لكل القلوب التي أحبتني وأحببتها ،،

" فأنا لا أعلم ما إذا كان لعمري بقيه ؟ أم سأرحل أنا والعام سويه "

و يا ريتنى فضلت على عمايا..

من غير رغى كتير هى فكرة و جت فى دماغى امبارح
بقالى فترة طويلة متابعة مدونة
بشوفها فى رأيي من احسن المدونات الموجودة هنا
و كان عندى تصور معين عن صاحب البلوج..

من طريقة كتابته و من صورته
كل ده لحد ما شوفت فيديو ليه كان حاطه فى بوست قديم
بصراحة اتصدمت..
مش عارفة احدد ليه بالظبط
بس حسيت ان الصورة اللى كانت فى دماغى مختلفة تماما عن الواقع
مش هسألكم اكيد اذا كان ده حصل لحد منكم عشان الاحراج:D

بس تفتكروا بتبقى غلطة مين؟
اللى بيقرا و يتابع حد لفترة

لدرجة انه بيتخيل انه عرفه كويس..
و من كتر ما اتعلق بكتاباته

بيتخيل انه قرب اوى من شخصية الكاتب
مع ان ده مش حقيقي
لأن العلاقة هنا بين اللى بيكتب و اللى بيقرا

هتفضل علاقة بالريموت كنترول..علاقة عن بعد يعنى..
مهما عرفوا معلومات شخصية عن بعض

ولا غلطة اللى بيكتب
و بيدى انطباع معين يمكن يكون مش حقيقي اوى
مش عن قصد اكيد لكن ده اللى بيحصل..

و تفتكروا انطباعكم ده هيتغير
لو لقيتوا الشخص اللى توقعتوا انكم عرفتوه كويس
بصورة مختلفة تماما عن اللى كانت فى خيالكم
ولا هيفضل رأيكم واحد لانكم عرفتوه عن قرب من خلال اللى بيكتبه؟

بيتهيألى هحتاج انزل ترجمة للبوست ده قريب
عشان انا لما قريته تانى اتلخبطت :D

انا شفتكم كده .....

كان نفسى من زمان اكتب عنكم بس مكنتش عارفه اعبر ازاى عن الى الى نفسى اقوله
مشكلتى انى مش بعرف انظم وانسق كلامى زى ما بقول لاصحابى دايما انا بدخل ادلق الكلام واطلع
بس بعد كده فكرت هو انا لازم يعنى افحص وامحص واعدل
هو مش المفروض انى اكتب وخلاص وحتى ان خانى التعبير اكيد هتاخدونى على قد عقلى وتطنشوا لانكم عارفين قد ايه انا غليانه فى حكاية الكتابه دى
يووووووووووووووووووه بقى
انا هطلع الى جوايا وخلاص واريح نفسى

احب ابتدى بالشباب الاول صحيح هم بيقولوا ladies first لكن انا مزاجى كده بقى

dr .lecter
اعتقد وافتخر انا محمد هو النسخه المذكره منى وخصوصا الحاجه الشديد انه يغير يعمل حاجه مهمه يصلح وضع غلط بس للاسف حاسس انه متكتف بالف قيد وقيد والحياه والناس مش مديينه الفرصه يا عينى . نفسه يعمل حاجه بيحبها بس مش عارف يبتدى منين ولو ابتدى خايف لا ميكملش او الظروف تقف فى طريقه . متمرد بس شايف الى حواليه ابرد من التلج علشان كده حماسه بيندلق عليه شلال ميه ساقعه طب هيعمل ايه ؟ بيحب احمد خالد توفيق زيى طبعا وتقريبا الى بيحي خالد توفيق بيتحول تدريجيا لنسخه من اشهر شخصياته رفعت اسماعيل علشان كده بقول انه نسخه منى
فيه حلم فى باله انا عارفاه ربنا يحققه له ان شاء الله

kabbary
اول ما الاقى الاسم ده ع الماسنجر ادامى بحس انه داخل بيبتسم ابتسامه عريضه وبيقول here i'm وتحس انك هتسمع اغنيه الحياه حلوه بس نفهمها

متفائل ربنا يديم عليه تفاؤله يارب ويمنع عنه عينى وعين كل الى بيقروا عليه صحيح هو ساعات تفاؤله ده بيشلنى لانى مش عارفه هو بيجيبه منين وايه فى الحياه يخلينا نحبها بس الى فهمته انه وصل للفلسفه زى ما عم جاهين بيقول حبة ايمان مع حبة رضا وشوية امل مع رشة طموح واهم من ده كله انه بيحاول يساعد غيره من الناس الى محتجاله يعنى مش عايش علشان ياكل ويشرب وبس وانا شايفه ان دى اهم حاجه تخلى الانسان مبسوط وراضى ده غير ان عنده طاقة تحمل ربنا يديمها عليه يارب


الفارس الملثم

الموسوعه الدينيه التاريخيه المتنقله ولغاية دلوقتى مش قادره افهم ازاى شاب عنده 21 سنه عنده ماشاء الله كل المعلومات دى وفيه ايه فى اهم حاجه فى حياتنا (انا مش بقر والله ) بس بجد الولد ده عبقرى واكيد بيقرا فى الدين بحب علشان كده الحاجت دى محفوره جوه دماغه
لما بشوف معلوماته الغزيره دى انى ادى حباية الرز ده انا داخله فى ال28 سنه ومعدنيش المعلومات دى فخور قوىى بدينه ودى حاجه رائعه لان اكبر نعمه انعمها علينا ربنا هو الاسلام اعتقد انه كل يوم بيصحى بيدعى الدعوه دى ربنا يديمها عليينا وعليه


ماجا

مش فاهمه ازاى ماجا وكبارى اصحاب يعنى زى ما كبارى متفائل دوما فاحمد بحسه دايما حزين انا عارفه هو حزين ليه وعلى ايه اكتر حاجه فهمتها جواه ان هو انسان حساس والناس الحساسه دى اكيد بتتعب فى الحياه جدا مع ان الرسول عليه افضل الصلاة والسلام بيقول يدخل الجنه اناس قلوبهم كافئدة الطير . لكن للاسف الناس الى حوالينا مش شايفين كده . انا عارفه انه بيحب بلده جدا رغم ان الى بيبان غير كده . لكن الحدق يفهم ان حب بلده بيقطر من كل كلمه من كلامه حتى لو كانت سخط او غضب فهو سخط وغضب الحبيب لما يزعل من او على حبيبته واتمنى انه يشوفها قريب زى ما هو عايز بالظبط

باسم
شخصيه واضحه قوىى مفيهاش كلام يعنى من كلامه تفهم دايما هو عايز ايه ونفسه فى ايه . بحس ناحيته باحساس اخوه غير عادى
مش عارفه ليه ؟ مع ان الاحساس ده بحس ناحية كل الناس بس لما بتخيل لو كان ليا اخ اعكنن عليه واقرف فى عيشته واتحكم فيه كان اكيد هيكون حد زى باسم بس هو ميستهلش بصراحه انه يكون مجنى عليه ويبقى اخويا لانى انا كنت هكون اخت غلثه للغايه وهطلع عقدى فيه
ربنا ينجحه ويحقق الى نفسه فيه

مسلم
اول ولد اكلمه ع النت مع انى كنت رافضه الموضوع ده بس مش عارفه حسيت ان حازم مش هيكون زى الشباب الى بيدخلوا يشتغلوا البنات خصوصا انى حسيت بتشابه غريب بينه وبين ابن خالتى الى اسمه برده حازم فى كل حاجه فى كلامه متدين محترم عنده طموح بس الدنيا مش مدياله فرصه بيتفهم غلط كتير لانه ساعات بيدخل شمال بس هو والله طيب جدا ومش بيكون قاصد اى حاجه وحشهالى يعرفه هيفهم ويعرف كده

صبرى سراج
عمرى ما كلمته بس من قرايتى لمواضيعه حسيت انه انسان هادى وراسى على راى سعاد حسنى بيعرف كويس هو عايز يقول ايه و بيحط كل كلمه فى مكانها ودايما كلامه بيكون فى الجون حقيقه يعنى بيرشق زى ما بيقولوا هو صحفى واكيد هو صحفى ممتاز لانه واضح انه فعلا موهوب ومش بيقول اى كلام بحس انه ابن بلد زى مطربه المفضل محمد فؤاد الى بحس انه وهو بيغنى كانه قاعد فى وسط الناس وبيحكيلهم

relove
انا سيبتك للاخر لانى بعترف ان اكيد اقرب حد ليا من الشباب هو محمد بحس كانه فعلا ابنى علشان كده هو دايما بيقولى ياامى (كشفت السر يا محمد) اى خبر مفرح الاقيه داخل يدور عليا علشان يفرحنى واوى حاجه مضايقاه بيدخل يحكيهالى بمنتهى البساطه وده دليل على كمية الطيبه الى فيه لانه ايه عرفه انى كويسه ولا انى مش هروح اقول السر ده لحد تانى . رومانسى قوىى يعنى من النوع الى بيحب على روحه يمكن لان لسه سنه صغير وانا اعرف ان الشباب فى السن ده بيكون عنده العواطف اوفر حبيتين انا كنت اده فى وقت من الاوقات وعارفه ويمكن هو طبيعته كده وعلشان كده انا عارفه انه هيتعب كتير فى حياته لان الناس مشاعرها تبلدت مع الالم مع الاسف


نيجى بقى للبنات الطف الكائنات

founon
حاله من الوقار والتهيب بتحصلى لما بتكلم معاها بحس كانى بتكلم مع استاذتى فى الجامعه او مدرستى فى المدرسه . فنون هى الانسانه الى لو اتعدلت اتمنى اتحط جوه القالب الى هى طلعت منه . مش عارفه اعد جواها ايه لانه مثال للبنت المصريه المسلمه بكل ما فيها واحسن حاجه فيها هى ثقتها فى نفسها واعتزازاها بكيانها بصراحه انا لو كنت ولد كانت اكيد هتكون فتاة احلامى . مميزه فى كل شئ طيبه وتحس انها اخت لكل حد فينا . اكيد الى بيحتاج لها مش بترده ابدا . بيقولوا عليها زى القمر . بس اهم حاجه النور الى انا بشوفه جواها

امل
الغائبه الحاضره الاستاذه المميزه تحس وانت بتقرا لامل انك غرقت فى بحر من المشاعر والاحاسيس وانك رحت دنيا تانيه . هى بتحاول دايما تبان فى صورة البنت الجاده قوىى لكن انا شايفه جواها بركان مشاعر واحاسيس لو اتوزعت ع الدنيا مش هتكفيها وتفيض . امل فعلا حساسه ولو بينت غير كده . موهوبه لدرجه لا يتخيلها عقل وحاسه ان مجال الادب عندنا هيخسر كتير لو متبناش الموهبه الرائعه دى انا شخصيا لما بقرالها بحس انى مش عايزه اقوم من مكانى وبين السطور والحروف هتلاقى الاحاسيس الرائعه تدخل جواك وتخليه تتنح وتقول الله . نفسى اشوفها كاتبه عظيمه باذن الله

بنت مصريه
ياخرااااااابى عليها . البنت دى مش ممكن حاله من الانبهار بتجيلى لما بشوفلها موضوع ماشاء الله عليها مفكره سياسيه واجتماعيه من الطراز الاول . بنت ب100 راجل زى انا ما بقول انا لو عندى بنت زيها هقولها روحى يا بنتى قلبى وربى راضيين عليكى انا واثقه فى كل الى انتى هتعمليه ومش هخاف عليكى ابدا فى حياتى لان انتى ميتخافش عليكى . شخصيه جبااره جبااره ايه ده . نفسى اروح ابخرها من عين الحسود الى يندب فيها رصاصه (بلدى قوى انا ) بجد الى عنده افكارك وثقتك فى نفسك لازم كل يوم لما يصحى ويبص فى المرايا يقول الحمد لله ان انا كده

houba
الرقه تمشى على قدمين . انا شفتها كده فيها كتير منى بقول عليها توامتى التانيه بعد سندريلا بس الحمد لله ربنا انعم عليها بالرقه الى مش عندى لما باجى اتخيلها بحس انى شايفه واحده لابسه ابيض وطايره على الارض مش ماشيه زينا . عندها طموح وحاولت وبتحاول نفسها تكون زى ماهى عايزه بس للاسف برده الناس والظروف مش مدينها فرصه وكاتمين على نفسها بالقوىى . نفسى اشوفها بتحقق الى هى عايزاه وتكون سعيده . فراشه هى زى ما دايما بتحط صورتها

sahari
متمرده جدا جدا جدا . متحمسه جدا جدا جدا لكن طيبه جداجدا جدا . انا شفت صورتها حسيت بالطيبه الى جواها . وجواها كمان طاقة حب غير عاديه انا عارفه كده ومتاكده انا مش هبله . صحيح هى بتبان غير كده لكن مين قال ان كل الى بنشوفه صح مشكلتها انها محتاجه المكان الصح الى تطلع فيه الطاقه دى لكن بما ان المكان ده لسه متوجدش لان برده الظروف ملطشه معاها محاوطه نفسها بحاجز علشان متتعبش فى حياتها . بس انا شايفه انها قويه جدا جدا جدا وربنا يحقق لها كل احلامها

مملكة الاحزان
يا بنات اسكندريه . زى اى بنت اسكندرانيه بنشوفها فى التلفزيون جدعه جدعه جدعه . واكيد حلوه بس مش لابسه ملايه لف . واثقه من نفسها ومن الى كتبه ربنا ليها وان اكيد بكره احلى من النهارده . رومانسيه اه لكن بافراط لا . اعتقد انها وصلت للمعادله المهببه الى معظم البنات مش قادرين يوصلولها بين العقل والقلب . واتمنى ان احساسى يكون صح وان قراراتها تكون نابعه من عقلها وقلبها

انغام
البت دى بحبها مش عارفه قوى كده ليه مع انى عمرى ماتكلمت معاها وقلبل اساسا لما بتدخل بس بحسها بسيطه قوىى ودمها خفيف موت
هى عايشه بره ورغم كده محافظه على تقاليدها واحترامها لنفسها بشكل رائع . بحس انها بتتعامل بطبيعتها من غير تكلف ولا تصنع ولا تظاهر ودى احلى حاجه فى البنى ادم

لينو
برده الرقه تمشى على قدمين . اعتقد انها شبه اميرات الحواديت .حالمه وجميله ورمانسيه بتفكرنى بشخصية ست الحسن الى كانت مسافره علشان تدور على اخوها الشاطر حسن فاكرين المسلسل ده الى كان بيتعرض واحنا اطفال ابرياء . اهى الشخصيه دى هى لينو
بحس انها منفصله عن ارض الواقع زيى ونفسها تعيش فى قصة خياليه لان الواقع للاسف بايخ ورخم وتافه . علشان كده بحسها قريبه منى رغم انى عمرى ما كلمتها الا من خلال المواضيع . يارب احلامها تصبح حقيقه دايما

جنى
مع انك مش هنا بس كان لازم اكتب عنك يا اكتر انسانه محترمه انا شفتها فى حياتى . انسانه عاقله مش بتشيل ضغائن لحد متفاهمه لاقصى الحدود صبوره على الناس الى اقصى حد عمرها ما غلطت فى حد او جرحته . ربنا يخليلها اسرتها ويكتبلى اشوفها فى يوم من الايام لما احج

mail
مروه حبيبتى نسخه بالكربون من اختى اميره حتى فى الشكل يعنى اخلص من اختى فى البيت الاقيها فى وشى ع النت . اهم اوجه التشابه هو الرومانسيه المفرطه والحنين والاحتياج غير العادى للحب فى مجتمع لا يعترف الا بالماده والجسد وبس . عندها طاقة حب بس للاسف مهدره مش لاقيه لها منفذ تطلعها فيه . مستنيه الانسان المناسب الى تقدر تطلع الطاقه دى معاه بس الظروف مش مساعداها ابدا علشان كده بييجى عليها وقت وتكتئب وتنعزل وتشكى لى بس انا مش بعرف اقولها ايه لان للاسف بكون حاسه بيها . ربنا يديها حلمها

samamasr
الانسانه الى رجعتلى الثقه فى الجنس البشرى تانى وان الاصل فى الانسان الخير مش الشر بعد صراع مرير مع شخصيات مستفزه ايمان جت وحسستنى ان الطيبه لسه موجوده . الناس الى عايشه على الفطره لسه موجوده . ان القلوب البيضه الى مش مليانه الا كل الحب والخير للناس موجوده . ان العقول النضيفه الى مش بتفكر الا بالخير للى حواليها لسه موجوده .ان الانسان ممكن يعيش من غير لا ضغائن ولا كره ولا حقد رغم ان الظروف خارجه عن ارادته بس لسه عنده الثقه فى الله تعالى . حاجه واحده بس غلط فيها هى انها مش عارفه قيمة نفسها مع ان الى زيها لازم يكون هو الغرور ذاته . لكن ازاى غرور ازاى وهى ايمان

cindrella
طبعا كان لازم اختم بيكى يا اقرب الناس ليا . اليزابيث توامتى اللى شبهى فى كل حاجه . مش عارفه اكتب عنك ايه . هو الواحد يعرف يكتب عن نفسه . انتى انا بكل بساطه ووضوح .انا بكل افكارى ومشاعرى وكيانى . عمرى ما شفت حد شبهى للدرجه دى . عمرى ما ارتحت لحد بالدرجه دى مع انى مشفتوش . عمرى ما تخيلت ان تكون my best friend انسانه عمرى ما شفتها وجها لوجه ولا بصيت فى عينيها .لو كان حد قالى كده قبل ما اقابلك كنت قلتله انت اهبل يا بنى لكن فعلا ربنا قادر على كل شئ . انا بدين ليكى بكتير قوىىى . كفايه انك اكتر واحده برتاح معاها . كفايه انى لما بكون زعلانه او متضايقه بدخل ع الماسنجر يمكن الاقيكى موجوده علشان اكلمك واشكيلك همى . كفايه ان بحس بيكى وانتى بتحسى بيا ودى مش مبالغه احنا فعلا بنحس ببعض وبنفهم بعض من غير ما نشوف بعض . انية حياتى ان اقابلك بس انا فعلا حاساكى معايا فى كل حته ومع كل فكره .

انتى حسستينى وكلكم حسستونى ان فيه ناس كتير شبهى عايشين زيى ومهمومين بالى انا مهمومه بيه وان انا مش حاله شاذه زى ما الناس بتقولى
حمد لله

كل سنه وانتو طيبيعــين :)

العيــد فرحـــة

يا ســـلام

وأجمــل فرحــــة

يا ســــلام :)

دى أغنية المبجلة صفاء أبو السعـــود

قبل ما يغزو أغنيتهــا المبجـــل محمد سعــد فجعلهـــا باقتــدار

العيــد فرحـــة

مــــــــــــــــــــاء :)

بس واضح اننا عدلنا فى الأغنيــــه

وخليناها العيـــد اكتئـــاب

لفــّه بسيطه على مدوناتنا المبجله , مش عارف ايه حكاية التبيجــــل معايا

ههههههههههه

المهم لفه واحده على المدونات

تجدى محطات دكتور ليكتر الجميله اللى تبعث طبعا على الإشراق والتفاؤل

والأخت بنت مصرية وحكمتهــا

يا ســـلام

صورة بنت كده حاسس انها بتقول " حسبنا الله ونعم الوكيــل "

وكاتبه تحتها " فصبر جميل والله المستعان على ما تصفون "

هو ده التفاؤل اللى احنا عاوزينه...!!

والأخت هوبا وموضوعها ارحمنا يارب والميكروباصات الظريفه

ده غير تعديل كبارى الوزارى

ايه يا رجـــاله مش كده

ارحمونــى شويـــه

ههههههههههههههه

ده عيـــد يا اخوانا :)

وعلى كـــل حال انا جاى اعمل انقلاب على الحالـــة دى

مين معايا فى الانقـــلاب ....؟!!

متخافوش , بلاش انقلاب علشان محدش يفكر فينا غلط :)

خليه ثوره :)

قولى بقى انت هاتعمل زى عبد الناصر لما عمل انقلاب وسمّــاه ثوره

هاقلك انت هاتقرفنا ليه ياعم الحج

ده عيد يا بنـــى :)

هههههههههههههههه

انا بكلم نفسى صـــح

انا اتجننت على فكره

المهم

انا جى ليه , جى ليه

اه

انا جى أقلكـــــم

كل سنــة وانتو طيبيـــن يا حبايبـــى

يارب يكون عيد سعيــد علينا وعلى عائلتنا وأهالينا جميعــا بإذن الله تعالـــى

انا عــارف ان فى ناس هنا مش مبسوطــه وفى مشاكل عندهــا وربنا يعلم انا جوايا ايه :), لكن القول ما قال إيليــا أبو ماضــى : -

قال السمــاء كئيبــة , وتجهـمـــا ... قلت : ابتســم , يكفــى التجهــم فى السمــا !

والعيــد فرصــة للترويــح عن النفــوس , ومعالجــة الأحــزان خاصة فى حضــرة الأهل والأقارب والأطفال

والعيديــات :)

ولا ده عيد لحمه مفيهوش عيديـــات

أصلهم كانوا بيعذبونى وانا طفل بالكلمــه دى :)

كنت أروح لخالى أٌوله العيديه يا عم الحــج

يقولى اسكت يلا ده عيــد لحمـــة :(

انا مالى ومال اللحمــة انا

هههههههههههههههه

وبمناسبــة اللحمـــة , كتبتلكوا كده حاجــة خفيفه , تقولوهــا لأطفالكــم

على أسا ان عندكم أطفــال بقى :)

قــــال الجــــــزار يا خــــروف َ ... العيـــد أقبــــل يــــا ظريـــف َ

فأشخص الخــروف بالأبصــار ِ ... وأنــــزل الدمــوع كالأنهـــــار ِ

وقـــــال ويلــــى يــا جمالــــى ... سيمشـى بالسكين ِ من خلالـى

فقــــال وقــتـهــــا الجــــــزار ُ ... قد ســنّ ذاك نبينـــا المختــــار ُ

فافرح بذاك وارتدى الحُـلــىّ ... أنــت الفــدا لاسماعيــل النبـىّ

فقال حينها الخروف : مرْحـا ... للذبــح , هيا نــُـقــيــم الفرْحــا

أن نلنــــا هـــــذه الكرامــــــهْ ... وبذلنــــا النفــس فـى شهامــــهْ

فأنـــا ذبيــــــح الأنبيــــــــاء ... وأنـــــا تـــقـــــــى الأتــقــيــــاء

وكل سنه وانتو طيبيــــن :)

عودى يا بلية :D

زودتوها..زودتوها .. زودتوها يعنى :D
لولا مصعب و المجهود اللى عامله هنا

كنا هنيجى لابسين اسود و نعلن الحداد على اللمة!
انتوا فين يا اولاد؟!
ايمان بتدرس و سايبانا ..
و الشاردة اختفت فى ظروف غامضة..
و سيندريلا كانت بتمتحن و رجعت اخيرا..
و محمد كان بيرد احيانا و اختفى برضه..
و لكتر كان واعدنا بتنشيط البلوج و بعدين سابنا و مشى ..
كوبرى تقريبا اتقبض عليه بعد اخر موضوع له فى مدونته ..:D
فنون مع صاحبتها الرخمة واضح ..:D
ماجا اختفى تماما و مش لاقية حد تانى يدينى جرعة التفاؤل اياها :(

نورهان مختفية برضه و يا ريت لو بتدخلى هنا

تبقى تعدى علينا عشان بجد وحشتينى جدا..
مخصوم منكم 29 يوم و نص :@

المهم..انا مش عاملة الموضوع ده عشان ادور عليكم و امشى :D
انا اتسألت سؤال من شهر و انا بعمل الانترفيو بتاع الشغل
سؤال شايفة ان لازم اى واحد عايز يوصل لمكان احسن من اللى هو فيه
يقف مع نفسه و يسأله و يلاقيله اجابة
عشان يعرف خطوته الجاية هتبقى عاملة ازاى و فى انهى اتجاه
فى رأيي من اصعب الاسئلة اللى ممكن الواحد يتسئلها فى حياته
و عشان انا رخمة جدا قلت اسألهلكم (وش شرير جدا)
What’s your biggest achievement?
ايه اكبر انجاز عملتوه فى حياتكم؟
مش لازم تكون حاجة كبيرة..كفاية انها تبقى مهمة فى نظركم
و لو الانجاز ده لسه ما حصلش شايفينه لازم يكون فى انهى اتجاه..
يعنى فى حياتكم الشخصية ولا العملية؟
كلمونى عن احلامكم..او اتكلموا عن اى حاجة
بس ارجوكم اتكلموا :D

هاي

طبعا دي اول مشاركة ليا وانا معرفش حد هنا غير relove وسما مصر

بس اتمنى انكم تقبلوني مع المة الحلوة دي ونتعرف اكيد حكون سعيدة بمعرفتكم وصدقاتكم

وحعرفكم عن نفسي انا اسمي اماني او موني

فرصة سعيدة