من غير رغى كتير هى فكرة و جت فى دماغى امبارح
بقالى فترة طويلة متابعة مدونة
بشوفها فى رأيي من احسن المدونات الموجودة هنا
و كان عندى تصور معين عن صاحب البلوج..
من طريقة كتابته و من صورته
كل ده لحد ما شوفت فيديو ليه كان حاطه فى بوست قديم
بصراحة اتصدمت..
مش عارفة احدد ليه بالظبط
بس حسيت ان الصورة اللى كانت فى دماغى مختلفة تماما عن الواقع
مش هسألكم اكيد اذا كان ده حصل لحد منكم عشان الاحراج:D
بس تفتكروا بتبقى غلطة مين؟
اللى بيقرا و يتابع حد لفترة
كل ده لحد ما شوفت فيديو ليه كان حاطه فى بوست قديم
بصراحة اتصدمت..
مش عارفة احدد ليه بالظبط
بس حسيت ان الصورة اللى كانت فى دماغى مختلفة تماما عن الواقع
مش هسألكم اكيد اذا كان ده حصل لحد منكم عشان الاحراج:D
بس تفتكروا بتبقى غلطة مين؟
اللى بيقرا و يتابع حد لفترة
لدرجة انه بيتخيل انه عرفه كويس..
و من كتر ما اتعلق بكتاباته
و من كتر ما اتعلق بكتاباته
بيتخيل انه قرب اوى من شخصية الكاتب
مع ان ده مش حقيقي
لأن العلاقة هنا بين اللى بيكتب و اللى بيقرا
مع ان ده مش حقيقي
لأن العلاقة هنا بين اللى بيكتب و اللى بيقرا
هتفضل علاقة بالريموت كنترول..علاقة عن بعد يعنى..
مهما عرفوا معلومات شخصية عن بعض
ولا غلطة اللى بيكتب
و بيدى انطباع معين يمكن يكون مش حقيقي اوى
مش عن قصد اكيد لكن ده اللى بيحصل..
و تفتكروا انطباعكم ده هيتغير
لو لقيتوا الشخص اللى توقعتوا انكم عرفتوه كويس
بصورة مختلفة تماما عن اللى كانت فى خيالكم
ولا هيفضل رأيكم واحد لانكم عرفتوه عن قرب من خلال اللى بيكتبه؟
بيتهيألى هحتاج انزل ترجمة للبوست ده قريب
عشان انا لما قريته تانى اتلخبطت :D
مهما عرفوا معلومات شخصية عن بعض
ولا غلطة اللى بيكتب
و بيدى انطباع معين يمكن يكون مش حقيقي اوى
مش عن قصد اكيد لكن ده اللى بيحصل..
و تفتكروا انطباعكم ده هيتغير
لو لقيتوا الشخص اللى توقعتوا انكم عرفتوه كويس
بصورة مختلفة تماما عن اللى كانت فى خيالكم
ولا هيفضل رأيكم واحد لانكم عرفتوه عن قرب من خلال اللى بيكتبه؟
بيتهيألى هحتاج انزل ترجمة للبوست ده قريب
عشان انا لما قريته تانى اتلخبطت :D
هناك 13 تعليقًا:
بيني وبينك فيه ناس بحبها جدا عن طريق النت ومش عاوز اعرف عنهم اكتر من كده لان ساعات المعرفه العميقه بتبقي مش زي مانت منتظر ومتوقع
بالبلدي كده عاوز اعرفه من بعيد لبعيد بالصوره اللي راسمتها له مش عاوز اشوف ورا الصوره لاني خايف كل شيء رسمته يتبخر مع اول صدمه
هو ممكن تكون ده شيء طبيعي وكلنا بشر ولنا هفوات وغلطات بس في نفس الوقت انا مش مستعد اهدم الصوره اللي راسمها بقالي سنين مع اول مطب
يمكن ده جبن مني بس انا مش عاوز اواجه الوجه الواقعي لاي حد علشان عاوز اثق اكتر بالدنيا وبالناس
نفس الكلام عني مش عاوز ناس كتيره تتصدم فيا لما تعرفني اكتر من غير الصوره اللي هم راسمينها ليا
احساس اكيد بشع
الحمد لله الحمد لله الحمد لله يارب ماحصليش خالص مع اي حد عرفته من النت وقابلته
كل اللي قابلتهم طلعوا بالصورة اللي تخيلتها عنهم تماما
وماحستش اني ماعرفهمش بالعكس حسيت انهم بالظبط نفس الناس اللي بتعامل معاهم واني اعرفهم كويس جدا وحسيت بألفه سريعة اوي معاهم
يمكن الوحيدة اللي اختلفت عندي لما شوفتها نورهان سراج واختلفت للاحسن لاني قبل ماشوفها ماكنتش قربت منها اوي فمالحقتش اكون فكرة واضحة عنها
العكس بقى ..انا خايفة يكون حد اتصدم فيا من اللي شافوني :)
هزعل اوي بجد لو حد كان فاكرني احسن من حقيقتي ولما شافني جاله احباط :(
بالنسبة لسؤالك هي بتبقى مش غلطة حد لو الكاتب بيكتب بصدق ومابيدعيش حاجة مش فيه مش ذنبه ان القارئ تصوره بشكل معين
وبردو مش ذنب القارئ اللي رسم صورة معينه للكاتب بنائا على الحاجات اللي بيقراها ليه
يعني لو استبعدنا جانب الخداع فهي مش غلطة حد
ليه متقوليش أننا معندناش Flexibility
ليه عايز اللى قدامى يكون زى ما انا رسمه فى دماغى .. ؟؟
أحنا بشر و البشر زى السلع .. و لو مختلفتش الأذواق السلع تبور ..
الفكرة مش مين اللى صح او مين اللى بيرسم نفسه و بيفشل .. الفكرة فى انى لازم متفجعش لما اعرف ان اللى قدامى فاكس .. علشان لو اتفجعت دماغى حتقف عن التفكير و لو وقفت مش حعرف أتصرف بسرعة .. النت ياما بيحدف :D
الواحد من كتر ما شاف بقى بيشك انه فاكس ولا لأ :D ..
فى ناس الواحد بيندم حتى انه ضايع 5 دقايق مع ناس متستحقش و فى ناس الواحد يتمنى يكونوا قريبين منه علشان يشوفهم كل يوم :D
المصيبة بقى أن اللى انتى شايفاهم فاكسين لما بيقفوا فى المراية بيشوفوا أن كل اللى حواليهم هما اللى فاكسين وانهم شمعة بيضة منورة ..
ربنا يستر و الواحد ميطلعش فاكس .. و خد الدعاء اللى بقى ملازمنى طول يومى .. يارب أبعد عنى الفاكسين و الفاكسات
لا لا مفيش صدمة..والله كنتي احسن
انا حاسة زيك بالظبط على فكرة
ساعات كتير بقول لنفسي انى مش عايزة اعرف اكتر من كده
و ما يهمنيش اساسا..
بس غصب عنى بتتكون عندى صورة معينة
لما بقرا اكتر من حاجة لنفس الشخص
و الفكرة هنا بتبقى فى رد الفعل
يعنى الناس اللى بتعرفهم لفترة
و تفتكر انك عرفت عنهم اللى يخليك تتنبأ بشكلهم و شخصياتهم فى الواقع
و بعدين تتصدم بانك كنت فاهم غلط
اكيد احساس سخيف اوى
انتى صعب اوى حد يتصدم لما يعرفك
انا حسيت ان اللى عرفته هناهو اللى شوفته
و على رايك هى ممكن ما تكونش غلطة حد..
بس انا شايفة انها لو كان لازم تبقى غلطة حد
فتبقى غلطة اللى بيقرا مش اللى بيكتب..
غلطة المتلقى يعنى
سيبك من الفاكسين دول بيبانوا من اول ربع ساعة:D
و بعدين هو من ناحية بيحدف فهو بيحدف اوى :D
انا قصدى على اللى بتتعامل معاهم لفترة عشان انت عارف و متاكد انهم مش فاكسين
و بعدين تفاجأ بصورة تانية خالص غير اللى كانت فى دماغك..
مش عشان هم فاكسين لكن عشان انت سبت خيالك يصورلك صور معينة
بناء على اللى عرفته عن الشخص ده و فى الاخر بتطلع غلط جدا
مثال عبيط..يعنى انا مثلا كتبت عن رمضان..
فحد قراه و خد انطباع معين عنى زى انى لازم اكون محجبة مثلا و انا مش كده فى الحقيقة
بس ده مش معناه انى وحشة..معناه بس انى بصورة مختلفة عن اللى هو تخيلها..ده اللى اقصده
تصدق انت اتكلمت عن نقطة مهمة جدا
كنت لسه بسال نفسي لما الانانى بيشوف نفسه مضحى و البخيل بيشوف نفسه كريم
اكيد هطلع انا كمان فيا كارثة من النوع ده و بشوفها فى كل الناس الا انا..ربنا يستر :D
لا انا اتصدمت فيها بصراحة
كانت عمالة تقول انا كبيرة انا كبيرة لحد ما تخيلت انى رايحة اقابل تيتة:D
لقيت واحدة اقصر منى و دى حاجة نادرة الحدوث:D
و لو حبيت اديها سن كنت اديتها 16 سنة بالكتير
صدمة صدمة يعنى:D
هههههههههههه
كنت احسن ازاي يا ايمان انتي كنتي متخيلاني حاجة وحشة بقى :) بهزر
بنت يا فلة انتي
على فكرة بقى انتي طويلة اساسا انا مش فاهمة ازاي مصدومة ان في ناس اقصر منك
انتي طويلة على فكرة
ههههههههههههههههههههههه
بحاول اقول اني مش قصيرة اوي بس بطريقة ملتوية :)
انا قصيرة الحقيقة :) بس دا ما يمنعش انك طويلة
فاكرة لما شفتك قلت لك متقوليش انتي الكبيرة تاني انتي صغنونة :)
أنا فاكرة وانتي جاية..وهتاخديني بالحضن وانتي مبتسمة وفرحانة وبتضحكي..وفلة..كانت مكسوفة قوي..وبتتسم ابتسامة مخلية عنيها تلمع كدة من الكسوف :)
فين هبة صح :)
فين باقي البنات كلهم والله :)
وسندريلا
ايمان والكل :)
فلة كانت بتبسم وتضحك بس وهي مكسوفة قوي
النهاردة افتكرت سندريلا قوي قوي يومها
فين نورهان ومارو ونانسي :)
بجد والله!!! انا طويلة :)))))
تعالى شوفى العمالقة اللى عندى ..
بيحسسونى انى من الاقزام السبعة:D
و بعدين يا فنونة يختى انتى اى حد جنبك هيبان طويل..عشان كده تلاقينى بحب اخرج معاكى :P
اه فلة وش كسوف اوى يا ايمان بصراحة ما تحريجينيش بقى :)))
إرسال تعليق