اصحواااااااااا

مش عارفة ليه فيه وخم وكسل وهمدان ف البلوج دى..

والاا هو فايروس وداير ف البلد

لا كده مينفعش مش حيبقى هنا وف ايجى وف كل مكان أدب فيه رجلى

متخلونيش اقتنع بفكرة الاقدام النحس الفقرية الشؤومة..عشان ما ازعلش منكو

عايزة كل شابة وشاب يعدوا ويفتحولى مخاميخهم ويركزوا عشان انا كده فى مرحلة الضياع بسبب النوم

اللى ف كل منطقة ده

حيثيات الموضوع النهاردة بتتكلم عن:) "الجواز وسنينه"

عارفة موضوع معقد ويصل الى درجة عميقة من الشدادة والغلاظة والفستكة

بس المكتوب ع الجبين لازم تشوفه ايه؟ تشوفه ايييييه؟ ايوا..العين

من خلال استفتاء تم بينى وبين كذا عضو من المضربين عن الجواز..تم استنتاج ان:

كل اللى بيفكر يتجوز عايز يتجوز فـ سن الـ30 عشان مفيش شابة مناسبة وتصلح للأغراض المنزلية

وكل بنت..عايزة اول ما تتم العشرين..تبتدى تتخطب وتتجوز..بإستثنائى طبعا..

حنقصروا الحلم ونتكلموا بعد ما جبت شبكتك...وجهزت شقتك..وسددت ديونك..

"دى تبقى عبقرية منك لو سددت ديونك قبل ما تتجوز"

خلاص اتجوزت واتقفل عليك باب بيتك..وتبتدى الطباع تتصادم لدرجة لا تحتمل

وده يظهر على حقيقته ويكشر عن انيابه

وهى تبقى زى الوحش المخيف اتأخرت ليه..وكنت مع مين..وعملت ايه..؟

كان فيه واحدة بتقولى..قبل الزواج..كان كل يوم لما يشوفنى يجيبلى ورد

وشيكولا كادبرى..دلوقتى مبقاش بيجيب حاجة يا مونى..

ومتأثرة جدا..زى ما يكون ما نع عنها المصروف..

فكروا معايا ليه بيحصل الاختلاف ده رغم انه مش بيبقى موجود قبل الجواز..

ويلا حظ اوفر المرة القادمة