هاي
ازيكم اخبارك ايه عاملين ايه ؟؟؟
يارب تكونو كويسين
طبعا انا ملاحظة فترة هدوء جدا عشان الامتحنات
وانا كمان والله كان عندي امتحنات هبلة وكنت بمتحن
ولسه الفاينلي بتاعي بعد اسبوعين ادعولي بقى
المهم ندخل في الموضوع
من كام يوم كنت بتفرج على علاء الدين
واتمنيت اوي انو يكون مصباح علاء الدين حقيقي بجد ويطلعلي ويقولي شبيك لبيك ويحققلي امنياتي المستحيلة التحقق :D
المهم لو كان مصباح علاء الدين دا بجد يا ترى حتتمنو ايه تلاتة امنيات ؟؟
لا تقلولي انجح في دراستي والقي good work واسعد الا حوليا والكلام دا
قوله امنيات شخصية تلاتة بس لا تكتبو لسته
انا في انتظار امنياتكم الجميلة :D
هناك 9 تعليقات:
1- وظيفة في موبينيل او فودافون او اتصالات .. هندسة مش اي حاجة تانية
2- اسافر اسكندرية واتمشى على كوبري ستانلي
3- ان الجو يبرد شوية عشان اشتي بقى .. الجو الحالي مخلي الواحد بالنص كم طول الوقت وكفاية كدة احنا في اخر يناير :S
مين جاب سيرة ابويا دلوقتي بقا
اجي اضربك يا اماني يعني ؟
ربنا يحققلك امنياتك يا heba
محمد مين جاب سيرة بباك على فكرة انا مقولتش حاجة قولي امنياتك بقى
اصلك مش واخدة بالك ان والد محمد اسمه علاء الدين :D
1- اخلص الماستر واسافر بره
2- او انام كتييير اوي واحلم باللي انا عاوزه وماصحاش منه
3- مش عارف بس لو فيه ممكن ابقي افكر وقتها
اسافر فينيسيا
اخد اول ترقية فى الشغل
اروح مكان فيه بحر و مطر لوحدى
1- خطيبى يرجع بالسلامه ونتجوز بقى
2-الاقى شغل فى مكان محترم
3-ماما وبابا يروحوا يحجوا
يارب يحققلكم امنياتكم كلها يارب
مش عارفه
متهيالى ان الحاجات الى انا عايزاها مش هيحققها مصباح علاء الدين
الحاجات الى انا عايزاها هتحقق لو كل الناس بقت نضيفه من جوه
بس فيه امنيه مكن يحققها لى
انى اشوفكم كلكلم واحد واحد واتكلم معاكم
إرسال تعليق