O0o لــــمــــة o0O: مصـــر أولاً ..

22 فبراير 2009

مصـــر أولاً ..

مقتل فرنسية و جرح 16 أغلبهمـ أجانب فى أنفجار بحى الحسين

أيه المطلوب .. ؟؟

المطلوب أننا نرجع لزمن التفجيرات و القنابل و الأغتيالات .. لا مش حنرجع للزمن دا

المطلوب أننا نهدمـ مصـر بأدينا .. لا مش أحنا اللى نهد بلادنا

المطلوب أننا نرجع 20 سنة ورا .. برضه مش أحنا

المطلوب أننا نبقى أفغانستان ولا العراق .. برضه مش أحنا

أحنا مصـــــــــــــر ...

تتكسرى ولا ينصلب عودكـ .. أنا جندى فى جنودكـ

أنا اللى مش ممكن اخون حزنى و لحظات الشجون

لاحب من غير جنون .. ولا دمع من غير عيون

أنا بس معبودكـ وجودى فى وجودكـ

الشمس تطلع أو تغيب أنتى القدر و أنتى النصيب

تتكسرى ولا ينصلب عودكـ .. أنا جندى فى جنودكـ

يا يا يا مصـــــــــــــر

هناك 6 تعليقات:

حاول تفتكرنى يقول...: كلمات تنبض بالصدق

أحييك; 24 فبراير 2009 في 1:07 م
dr.lecter يقول...: محمد مش نعرف الاول مين اللي عمل ده

مش يمكن تطلع حاجه تانيه خالص غير الي احنا فاكرينها

اللي حصل ده غريب جدا لان لو فعلا ده فكر متطرف طيب كان فيين الفتره اللي فاتت دي كلها اخر مر انوا شةيه عيال سنه 2005 بعد كده ماسمعناش حس

اللي حصل ده له توابع خطيره وجاي في وقت احنا مش ناقصينه خالص; 24 فبراير 2009 في 2:28 م
فشكووول يقول...: ازيك يا دكتور
ربنا يحمى مصر من مكائد الكائدين وخصوصا من الكائدين من ابنائها واللى ما عندهمش لا ضمير ولا دين ولا اخلاق
على فكره دكاتره الاسنان كلهم ببيضحكوا علينا وعمل حشو عصب وبعدين الدرس قعد يتفتفت شويه بشويه .. يعنى ما خدش سنه وابن الايه الدكتور خد 200 جنيه . ما شى يا اطباء الاسنان
تحياتى يا دكتور; 25 فبراير 2009 في 3:48 م
فشكووول يقول...: قريت ردك على محمد .. بس انت اجرأ منى اللى حصل احنا ما نستعجلش فى الحكم على اللى عمله .. متهيأ لى دى مؤامره كبيره من الداخل .. هم هم ولاد الكلب اللى مطلعين روح الشعب المصرى
خلاص ابطل هلوسه بقى
تحياتى تانى; 25 فبراير 2009 في 3:50 م
dr.lecter يقول...: ههههههههه

استاذ فشكول كان لاازم تعمله طربوش بورساليين بعدها علشان تحافظ عليه

ضروري

وبعدين فداك 200 جنيه اعملهولك ب 120 يااعم شفت انا كرييم ازاي; 26 فبراير 2009 في 6:42 ص
Here i'm يقول...: يا لاكتر .. حتى لو عرفنا .. حتى لو كانت الحكومة او الأرهابيين او وزارة الداخلية او لو كان حتى الجيش ..

البوست مش موجه للأرهابيين بس .. دا لأى حد عايز يشوف مصر بتولع ..; 26 فبراير 2009 في 12:52 م