واضح ان فى جو كسل عام فى البلوج ده
مش عارفة هو ابتدى فين ولا عند مين بس تقريبا عدى الكل
و انا مش عاجبنى الحال ده بصراحة
مش عارفة هو ابتدى فين ولا عند مين بس تقريبا عدى الكل
و انا مش عاجبنى الحال ده بصراحة
و وحشتنى الدوشة اللى كنا عملينها فى المدونة القديمة
المهم دى شوية اسئلة لقيتها فى واحدة من المدونات
المهم دى شوية اسئلة لقيتها فى واحدة من المدونات
عجبتنى و قلت اجيبها هنا كاعلان للتمرد على الصمت الرهيب ده
ردوا بقى:D
1) سبع حاجات عايزين تعملوها
2) سبع حاجات مش بتعرفوا تعملوها
3) سبع لزمات بتقولوهم طول الوقت
4) سبع اماكن عايزين تزوروها
مع التعليل و الشرح الممل المشل :D
2) سبع حاجات مش بتعرفوا تعملوها
3) سبع لزمات بتقولوهم طول الوقت
4) سبع اماكن عايزين تزوروها
مع التعليل و الشرح الممل المشل :D
على ما كتبت اللى فوق دول لقيت كام سؤال تانيين عجبونى
- افتح اقرب كتاب ليك على صفحة 18 سطر 4
- احلى بوست قريته الفترة اللى فاتت
- امتى ضحكت اخر مرة؟
- حاجة غريبة لاحظتها مؤخرا؟
- حاجة محدش يعرفها عنك؟
- حاجة عايز تغيرها فى العالم بعيدا عن المعاصى و السياسة؟
- قرار مهم خدته مؤخرا؟
- افتح اقرب كتاب ليك على صفحة 18 سطر 4
- احلى بوست قريته الفترة اللى فاتت
- امتى ضحكت اخر مرة؟
- حاجة غريبة لاحظتها مؤخرا؟
- حاجة محدش يعرفها عنك؟
- حاجة عايز تغيرها فى العالم بعيدا عن المعاصى و السياسة؟
- قرار مهم خدته مؤخرا؟
هناك 13 تعليقًا:
تصدقى انا كنت فاكره ان حالة الركود دى عندى انا بس
طلعت عند كل الناس
انتى عارفه تفسيرى للحاله دى تقريبا احنا بندخل ندور على بعض وعلشان نقرا مواضيع بعض فلما مش بنلاقى بعض بنخرج زى ما دخلنا
فهمتى حاجه؟
الاسئله همخمخ وارد عليها
بس انتى وحشتينى قوىىىىىى
ههههههههههههه
عجبني اوي تحليل الشاردة
انا عندي اقتراح وياريت ماتقوليش لا
حطي الموضوع دا هناك احسن هناك بقى حالته صعبة وبيصعب عليا ونفسي الناس تتلم تاني والموضوع دا هيلمهم علىى ما اظن
ايمان طيب ما اللي ما يلاقيش مواضيع يعمل هو و احنا كلنا نرد بدل ال صمت المريب ده :D فنون اكيد يعني مش هقولك لا بس حطيه انتي عشان انا ما بقيتش احب اكتب مواضيع هناك خالص و انا هرد هناك بقي :D كده او كده مش انا اللي كتباه
بطلي غلاسة بقى يالا حطي الموضوع بقى
انا لسه فايق من النوم
وشكلي هادخل اكمل عاوز اركز في الاسئله دي
بس ياريت فعلا نرجع زي زمان كلنا علشان شكل كده والله اعلم ان كل مابنكبر بنتلهي في الدنيا وننسي نفسنا
ده اللى كنت ناوية اكتبه هنا قبل ما ارد هناك :D
اجنن و انا بسال و برد على نفسي كده :D
سبع حاجات عايزة اتعلمها:
1) بيانو و فروسية مش عارفة ازاى بس هو كده
2) اكمل كورسات الاسبانى
3) اروح حفلة لايف لفيروز
4) جمعية خيرية لتعليم الاطفال
5) ابقى مديرة فى شغلى
6) اشوف يوم مطرة على كوبرى ستانلى فى الشتا اللى مش شتا ده
7) اقابل اوبرا وينفرى و جوليا روبرتس و جورج كلونى فى طلعة واحدة :D
سبع حاجات مش بعرف اعملها:
1) ما بعرفش اقبل مجاملات الناس ولا بعرف اجامل و لما بجامل بيبان عليا جدا
2) ما بعرفش اقعد فى مكان حر او مضلم او اى مكان فيه دكاترة :D
3) ما بعرفش يعدى عليا يوم من غير ما اسمع فيروز
4) ما بعرفش احكى فيلم او الخص قصة فى اكتر من 3 جمل
5) ما بعرفش اروح سينما لوحدى :D
6) ما بعرفش اشوف تامر امين او تامر حسنى او اى تامر لمدة تزيد عن ربع ساعة
7) ما بعرفش الم لسانى لما يكون عايز يقول رأى فى حاجة
و التامنة انى ما بعرفش اسيب دموعى تبان قدام اى مخلوق
سبع لزمات عندى:
1) اصلا و اساسا
2) حوسة القرد (لما بيبقى ورايا 100 حاجة تتعمل فى نفس اليوم)
3) فلة (و دى كنت بقولها لكل الناس قبل ما يبقى اللقب الرسمي بتاعى..دلوقتى لما بقولها بحس انى بنده عليا)
4) رسمي (هبل رسمي..تخريف رسمى الخ الخ الخ)
5) فى الالا لاند (و دى لسه مزوداها قريب فى قاموسي)
6)اتلهى (لما حد من صحابى يشكرنى على حاجة مش مستاهلة شكر:D
7) بجد (اسلوب توكيد)
سبع اماكن عايزة ازورها:
1) الحرم
2) لفة فى شوارع مصر القديمة
3) فينيسيا
4) لبنان
5) اسبانيا
6) هاواى
7)بلاد الفار ايست
احلى بوست قريته:
ده ضحكنى اوى
http://hadouta.blogspot.com/2006/09/blog-post_19.html
و ده عاملى حالة انبهار بكاتبته
http://lamiaamahmoad4810.blogspot.com/2008/12/blog-post.html
اخر مرة ضحكت:
اليوم بتاع "قولى انا اسفة" فاكراه يا فنونتى؟:D
بما انه كان اول يوم اضحك فيه بعد شهر صعب اوى
و يوم الجمعة اللى فاتت فى فرح واحدة من اقرب البنات لقلبى
حاجة غريبة لاحظتها
بلوجين تانيين اسمهم انا حرة و صاحباتهم اسمهم ياسمين!!
الكتاب:
"و لا انسى ان عزف ريكو لم يكن دائما بنفس المستوى
فكانت حالات الانسجام تتوقف على كم و نوع المخدرات التى تعاطيناها"
دى مش مذكراتى على فكرة :D
ده من كتاب ربع جرام لعمرو يوسف
حاجة عايزة اغيرها
الحكم على الناس..بس لما ابتدى بنفسي الاول
حاجة محدش يعرفها عنى:
ده بوست كامل هناك..فضحت نفسي رسمى يعنى :D
قرار مهم اخدته مؤخرا:
انى ابطل اقلق على ناس ما تستاهلش قلقى :)
الا قولى يا محمد بتعمل ايه عشان تعرف تنام ده كله عشان بعيد عنك قلة النوم مع الشغل قالبة معايا بالتهييس اللى انتوا شايفينه ده :D
لا هي عند الكل يا إيمي ما تقلقيش :D
بس تفسيرك منطقي حقيقي .. ده اللي بعمله بجد والله :)
نيجي بقى للأسئلة:
*سبع حاجات عايزين تعملوها:
1- السفــر بــرة مصــر
2- أخلص الدبلومة بقى عشـان أتفرغ للماجستير اللي مش راضي يخلص ده
3- أشتغــل وأفتح مشروعي الخـاص
4- أطلع رحـلة سفــاري لسانت كاترين عشـان أتأمــل شروق الشمس
5- أسافــر السعوديــة حج وعمــرة إن شـاء الله
6- أتعلــم عزف البيانــو على أصولــه
7- أتجــوز وأجيب عيــال أربيهم وأطلع عينهم هما وأبـوهم
*سبع حاجات مش بتعرفوا تعملوها:
1- النفـاق مابعرفش أنافق أو أجامل دايمـًا كـدة صريحة وواضحـة
2- مابعرفش أسـوق السيــارة رغم أني اتعلمت وأخدت الرخصـة .. إزاي معرفش
3- مابعرفش أبتسم في وش حـد أو أتعامل معـاه وأنـا مش طايقـاه
4- مابعرفش أريح نفسي أبــدًا .. دايمـًا كدة على اعصابي جالي الضغط والقلب بسبب الحكاية دي
5- مابعرفش أصــرف فلوسي إلا في حاجات مهمة أووووي .. بخيلــة أوي أنــا
6- مابعرفش أسامح للأسف .. ولو حصل وسامحت مش بأنسى أبـدًا
7- مابعرفش أثق في حـد بسهولة .. حذرة وشكاكة أوي لدرجة تخـوف
*سبع لزمات:
1- بجد، أصلاً، أساسـًا (للتوكيد)
2- Das ist nicht mein problem (ده مش ذنبي يا بابا اتصرف انت مع نفسك يعني :D)
3- مليون حاجة وحاجة (مشغوليات)
4- نعــم!! (للضجر والتأفف لـا بكون على آخري وحد عايز مني حاجة :D)
5- يا سلاااااااام؟! (للتعجب)
6- على فكـرة، على شـرط (للتنويه في وسك الكلام :D)
7- يا لهوووووي (لمـا بكون مسخسخة على نفسي من الضحك :D)
*سبع اماكن عايزين تزوروها (مع التعليل و الشرح الممل المشل):
1- إسكندريـــة ..
ساحــرة هي
2- شـرم الشيخ ..
نفسي أروح هنـاك عشان أشوف هل هي فعلاً زي ما بيحكوا عنهـا والا لأ
3- الأقصر وأسـوان ..
عشـان أتفرج على الآثـار اللي معرفش عنهـا حاجة للأسف
4- ألمانيــا ..
حلمي الجميــل
5- أسبانيــا ..
بلاد الأندلس ومعالم الحضـارة الإسلامية فيهـا
6- انجلتــرا
عشـان أحصل على درجــة الدكتوراه من أكسفورد (وش كوول)
7- كنــدا
بلد هاديــة وجميلة جــدًا ومريحـة ناوية أهاجر هنـاك إن شـاء الله أنـا واللي مامته داعية عليه LOOOL
*السطر والكتاب:
speak in a la-di-da voice
بمعنى "عــوج لسانــه"
معجم التعابيــر الاصطلاحيــة .. عربي مصري/ إنجليزي
طبعـًا ده له علاقة بدراستي لترجمة الشاشـة اللي بدرسهـا حاليـًا LOOL
*أحلى بوست قريته الفترة اللي فاتت:
وجهي الآخــر .. بنوتة مصرية :D
*الضحك كان من شويــة والله .. الله يكرمه اللي ضحكني بجد وخلاني أفطس على نفسي من الضحك :D
*حاجة غريبة لاحظتها مؤخرا:
الناس وسلوكياتها الغريبة وتصرفاتها الأغرب .. بلادة في الإحساس وهمجية وعصبية لا تطاق .. مع ازدواجيـة المعاييــر التي لا تُحتمــل .. غير الأهالي اللي بقت قاسيــة جـدًا على أولادهـا (للأسف).
*سبع حاجات محدش يعرفها عنك:
خلي الطابق مستووووووووور
*حاجة عايز تغيرها فى العالم بعيدا عن المعاصى و السياسة:
الحكم على الناس من خلال مظاهرهم لا جواهرهم!!
انا حاليا نفسى انام لأنى تعبان جدا الحقيقه
وآخر مرة ضحكت وانا بقرا موضوعك
وايه كمان
وانا نفسى أغير حاجات كتير
نفسى أساعد المحتاجين ، نفسى أحس ان الناس فرحانه
نفسى محدش يبقى مدايق ومخنوق وزعلان
نفسى البنات تستر نفسها ، الحال عندى صعب اوى بصراحه
مكنتش أتخيل كده
لحم رخيص ، ليه كده ، ربنا يهدى البنات والشباب برده
ويهدينى يارب ، ويتولى أمورى
وربنا يكرم الناس كلها ، ويفرج كربهم
ونفسى أقدم حاجه لدينى ،،
ومصر وحشانى اوى اوى
وحشانى اوى
وانا بحب مصر اوى اوى
بحبها اوى
اوى والله
وحشانى يا مصر
بس كده كفايه انا كتبت اللى جه علا بالى :)
السلام عليكم
ولا حاجه
باقول انا هانام يعني هانام وارمي كل ده ورايا كل حاجه
اهم حاجه بس انك تحتاري وقت فعلا اللي تنتحري فيه بالنوم علشان تديها بقي وتدوسي جامد في النوم
النوم ده مالوش سر انويها بس وادعي لي
يالا بقي عاوزين ننشطه البلوج مره تانيه
يا يويو ربنا يخليكى يا رب..بتحرجونى والله على الخيبة اللى بكتبها دى :D
و ان شاء الله تخلصى الدبلومة و تتجوزى و ما تسيبيش مصر :)
كويس انك ضحكت يا مصعب و ربنا يستر على البنات اللى عندك و اللى عندنا بس مصر لحقت توحشك معقولة؟! ده انا اعرف ان اللى بيروح دبى بينسى اسمه اساسا :)
ان شاء الله تخلص و تنجح فى اللى بتعمله و ترجع تانى..هى مصر هتروح فين يعنى :)
والله يا محمد انا نفسي يخترعوا حاجة تخليك تنام و تظبط المنبه على اليوم و السنة اللى تصحى فيهم..يا سلام دى تبقى حاجة جامدة جدا والله
يا ريت ننشط البلوج ده عشان انا تعبت..ابتدى انت يا ريس و احنا وراك بعون الله :D
بمناسبة تنشيط البلوج هى ايمان سمامصر فين؟!!
بما ان هى اللى ليها الفضل فى لمتنا دى
ركود داخلى..وخارجى..الواحد مش عارف يعمل ايه ف حياته وهو واقف ف نقطة واحدة عمال يدور حوالين نفسه فيها..حاجة مملة يا شيخة:)
نيجو بقى للأسئلة:
سبع حاجات عايزة اعملها:
1-نفسى ادرس ايطالى
2-نفسى ارجع لحياتى الأولى وامشى فى اعمال ايجابية وخيرية
3-انجح فى دراستى..لانى شكلى حعد كتير:)
4-نفسى اعمل دراسات عليا فى قانون العقوبات
5-أعيش حرة
6-أتعلم الصيد..لانى بحبه الحقيقة
7-أكمل حفظ قرآن كريم..لانى خيبانة ومعنديش دم:)
سبع حاجات مش بعرف اعملها:
1-مبدئيا كده..مبعرفش ابقى فضولية
2-مبعرفش ما اسامحش ولو حتى على حاجات لا تغتفر
3-مبعرفش مبقاش جدعة ولو حتى مع الغريب..عادة سودة وموريانى الويل بعيد عنك
4-مش بعرف احكى اللى واجعنى..وبكره موت حد يشوفنى وانا بعيط
5-حاجتين معرفش امسك نفسى ادامهم الفستق ولعب الاطفال!!
6-مبعرفش اكره حد ولا اتجمل ادام حد..تلقائية لدرجة تضايق
7-مبعرفش انسى حاجة حصلت فى حياتى اياكانت حزينة او مفرحة
سبع لزمات
1- اصلا زيك برضوه
2-ها وبعدين"لما الاقى الرغى بيزيد عن حده"
3-ياراااااجل-يخربيتككك-"أبدو متألقة"
بقولها بعد كل امتحان:)
4-علامات الدهشة "بجد-أحيه"عشان اسكندرانية انا"-ياااه-لا والله-معقولة-وساعات اوفر على نفسى وأشهق وخلاص:)
5-سبع اماكن عايزة ازورهم
حمووووووت واروح فرنسا..لو سألتينى ليه حقولك معرفش بس ده حلم قديم اوى
الحرم اكيد بشتاقله لما اشوف الناس بتصلى هناك
كان نفسى اروح المغرب
ايطاليا
بصى دول اكتر اماكن..مش لاقيالك حاجة تانى..بس فيه مكان نفسى يتم ابادته من على الخريطة
شارع فيصل ف الجيزة شارع السودان وكوبرى قصر النيل الساعة3 الضهر:)
عايزين الحرق الحقيقة:)
الكتاب والسطر
قانون العقوبات
"وتم الاختلاف حول حكم جريمة القتل الخطأ من العلماء وبعض المذاهب الفقهية"
مش معقول حشرحلك يعنى:)
أحلى بوست قريته:
عايزة الحق..بوستات قبارى كلها بتعجبنى
انا مش ببطل ضحك اصلا..اللى يشوفنى بيحسدنى انى ع طول "سمايل" ميعرفوش الخيبة:)
حاجة غريبة لاحظتها:
الناس بقت تكره اكتر ما بتحب
وانى شايفة ان كل الناس اللى حواليا بتتغير وانا لسة عند قرارى مش حتغير يعنى مش حتغير!!
سبع حاجات محدش يعرفها عنك:
ناس كتير قالت انى غامضة جدا ف تصرفاتى..ف زى ما بيقولوا محدش بيعرف يقرانى الا اذا انا فضحت نفسى وده نادرا حدوثه:)
لذلك مش حجاوب ع السؤال ده:)
حاجة عايزة اغيرها:
نفسى لما ما اقلق..استحمل واتماسك..زهقت من كتر البراشيم المهدئة:)
قرار مهم اخدته مؤخرا:
ما اهتمش بالناس فى زعلهم عشان ميقولوش دى شماتة..
قررت ايضا..احتفظ بما يدور فى اعماق نفسى..لان امثالى لما يحكوا حاجة..بيضروا نفسهم:)
فلة..حلوة الاسئلة..بس ياريت تفضلى مهييسة كده..عشان انا مبحبش العقل والرزانة والكلام العجيب ده..الهبل مطلوب فى الاسواق:)
انا زيك على فكرة فى حكاية لعب الاطفال دى..و بقيت بتحجج فى ببنت خالى قال يعنى وخداها اشتريلها هى..بالمناسبة السعيدة دى ما تعرفيش الاقى فين العروسة بتاعت الجميلة و الوحش..قصدى على جميلة يعنى مش على الوحش اكيد :D
حتى لو فى اسكندرية قوليلى عشان انا باجى كتير و دخت عليها هنا و مالقيتهاش
يا رب ما حدش من العيال يقرا الكلام ده لحسن افقد هيبتى :D
بالنسبة للتهييس فانتى ادينى بس كلاكس وانا وراكى على طول..انا على طول كده ما تقلقيش :D
إرسال تعليق