![](https://blogger.googleusercontent.com/img/b/R29vZ2xl/AVvXsEgISBSVs0wMIsTUp-0js1Dwv54i6DuRXNXS6NRK2uPhwpGoUpGau_MfJNmuhruGTVJN70RwmQpuZuRS1kiylBDjbeZdiCC1aKqNlcJrlHSWDdZBKX39NCaY-_moSycjQVBbMvl8paiAVWvO/s320/Image088.jpg)
كنت قلت لكم علي فكره هابله
الفكره الهابله دي عباره عن اننا هنخلي المدونه دي اشهر مدونه علي النت
ازاي؟؟؟؟؟؟؟؟؟؟؟؟؟
اقولكم ازاي
اولا هنستعين بكل المهارات الكتابيه والافكار النيره المللهبله علشان نكتاب مواضيع تعبر عننا عن جيلنا واحلامنا وافكارنا وارائنا
بالظبط زي منتدي اي كلام
بس الفرق اننا هنستبعد ناس معينه زيالشارده وفنون وكوبري وموجه وبنت مصريه وصبري سراج علشان دول بيكتبوا في السياسه وهيروحوا قريب ورا الشمس
انا شايف فيه ناس بتقول الحمد لله نخليها مدونه هاديه
ده بعدكم
لا طبعا
انا بهرج
هنكتب في كل حاجه من الابره للصاروخ
ده طبعا بعد اذن ايمان سما مصر صاحبه المدونه الشرعيه
هنخلي المدونه باقلامكم تسمو للقمه ومش هيتعارض ده مع المدونه الشخصيه لكل واحد فيكم
فكره ان المدونه دي تكون خاصه بافراد ايجي اللي بقوا اصحاب واخوات فكره هايله بس مش لازم نقصر في واجبنا الانترنتي نحو نشر افكارنا ومبادئنا حتي لو كانت تتعارض مع افراد المدونه شخصيا
لان ان شالله بعد فتره وجيزه بافكر في نشر مجله عن مدونتنا علي ورق بس لسه ادامها شويه ان شالله وطبعا الاخوه الصحفيين زي صبري ونورهان سراج وحسين هاشم لو يفضوا لنا يقدروا يساعدونا بالخطوات واحننا ننفذ باذن الله
المدونه بفكر في تغغير اسمها تبقي شباب من مصر حتي لو كان في بعض الافراد هنا مش مصريين مش مهم برده
عاوزين نبتدي ان شالله من يوم 7 اكتوبر في كتابه مواضيع قيمه وهامه
يالا فوتكم بعافيه وغور يااد انت وههو من هنا
هناك 20 تعليقًا:
طول عمرى اقول الدكتور ده دماغ :)
شوفلنا بقى حاجة نتكلم فيها و انا وراك يا ريس:D
من قرايتي للموضوع حاسس اني مش حيكون ليا ادني فايدة حتي
اصلي مش بكتب غير رومانسي اوي
يا اما كئيب اوي
بس فكرتك هايلة يا دوك
ولو اعرف اساعد ساعدوني اعرف حساعد بايه
حلوة الفزوردة دي
فكرة خرافة
عندي تعليق واحد
ان يفضل اسمها لمة :)
الاسم عاجبني اوي يا دوك بصراحة
انا فين الانفيتيشن بتاعتي ؟!
على انهي ميل يا ايمان انا مش عارفه
استني هدور وادخل وعلى الله دي تتحذف بقى هولع فيكم ساعتها
ماحدش عرف مين اللي عمل العملة دي ؟!!
مش عارفه ليه يا دوك وانا بقرأ الموضوع تخيلت ان مدونتنا دي اشتهرت اوي وجابونا كلنا سوا في التيليفيزيون عشان نتكلم عنها :)
انبسط لما جات في بالي الفكرة دي
انا غاير اهو من غير زق يا كابتن !!
نسيت اقول لكو كل سنة و انتوا طيبين
...... ماقلتا بلاش زق !!
شوف يا دوك .. بحب فيك أنك دايما بتحاول توصل و حاططنى قدامكـ مثل أعلى .. علشان كده يا دوك يا أبنى أنا حساعدك أنت و أخواتك :D
أحب أضيف حاجة شايفها تنفعنا .. مادام حتبقى مجلة ورقية .. ليه منزودش على فكرتك .. أن كل يوم فى أيام الأسبوع واحد يكتب عمود و يسميه زى ما هوا عاوزه .. و يكون مثلا السبت ماجا و أسم العمود كذا .. الأحد الدوك .. صبرى الأتنين و كده
و على ما أعتقد أن كد حنكون كل واحد اخد حقه الطبيعى ..
و ليا فكرة مهمة جدا بخصوص التسويق للمدونة .. أهم حاجة بقى التسويق دا :D
ايه يا جماعة الشغل الجامد أوى دا
طيب يا ايمان انتى بعتالى الانفيتيشن بتاعة دى و لا اللى اتحذفت :(
أنا معاكو بقا بالذوق بالعافية معاكو :)
بصراحة ماكنتش متصورة انها هتبقى زى مانتو ناويين كدا
أكيد هتبقى هايلة ان شاء الله
go onnnnnnnnn
ايوة يا محمد لله يخليك اديهم نظرية الفنكوش بتاعتك دى اهم حاجة بجد:D
و أدى تانى واحدة حطانى مثلها الأعلى قدامها .. :D
الرفيقة بنت مصرية :D
نظرية الفنكوش حتظهر فى الوقت المناسب :D
و ساعتها حنعمل بوست أسمه
يا ناس يا عسل الفنكوش وصل :D
هي فكره جامده اوي لو فعلا الكل اخدها جد ومحدش كسل بعد كده
انا موافقه ومعاك طبعا
المصريين اهم
حيويه وعزم وهمه
سمعونى السلام الوطنى
ياريت اى حد تجيله فكره يدخل يرزعها هنا خبط لزق
وانا عشان خاطرك يا دوك هبطل اكتب فى السياسه
هكتب عن السياسه
محمد
الله يخليك بلاش الياس الى انت فيه ده
مين قالك ان احنا معدومين الرومانسيه
يعنى ايه مش هيكون لك اى فايده
غاوى تفرسنى انت
ايمان
الله يخليكى يا ايمى غيرى الصوره اللى انت حطاها شكلها عبيط قوىى
ممكن اغيرها انا؟
يامحمد ريلوف ياحبيبي انا قلت المدونه متنوعه في مواضيعها يعني تكتبوا اي حاجه رومانسي اجتماعي ديني سياسي ثقافي ادب شعر كله علي بعض يعني
ثانيا ياريت تبعتوا دعوات للناس القديمه انفايت لفنون وماجا وصبري وغيرهم واي حد عاوز يشترك يتفضل وياريت نبتدي باتلمواضيع انتم اللي هتكتبوها باذن الله زي اللي انتم بتكتبوه في مدوناتكم وايجي مش هخترع يعني بس هتبقي خاصه بالمدونه بتاعتنا
ممكن تكتبوا عن حمله صناع الحياه او تجاربكم ورايكم في الجمعيات الخيريه والاهليه ممكن انا او فنون اكباري نكتب عن ده لان عندنا خبره نوعا ما
ممكن تكتبوا عن فكره الاختلاط مابين الحاضر والماضي والمسنتقبل في اطار اسلامي معاصر
ممكن تكتبوا عن الفرق بين الحريه ومعناها وعن عوالم النت والفرق بينها وبين العالم الواقعي
ممكن نكتب عن كيف نوصل راينا للنظام والحكومه بدون ابتذال او تجريح وكيفيه المشاركه في الحياه السياساسيه
ممكن نكتب عن زكريات الطفوله والحب
ممكن نكتب عن احلي فتره عيشناها ولسه فاكرينها
ممكن نكتب كيف نصبح مسلمين معاصرين في ظل التقلبات اليوميه مابين سفور وتشدد
ممكن تكتبوا شعر او اي حاجه انتم هتحيروني ليه معاكم ياللا يابت انت وهي ويااد انت وهو غوروا بقي واكتبوا يالهوي
أستاذ عمرو
ممكن نضيف حضرتك على فكرة :)
حضرتك منور بجد :)
انا باعتة للكل دعوات والله
ودعوات جديدة هبعتها بس كانت فيه مشاكل في النت ومكنتش موجودة :)
وانت ممكن تبعت دعوات على فكرة
كنت عملت مدونة سميتها لمة مصرية ان كل حد يكتب عن بلده..لكن ذكرياته ووجهة نظره هو فيها
حابين نكون فيها
ولاهنا وبس :)
ربنا يكرمك يا دكتور
انا كنت عملت ميلات للكل وجروب على الفيس بوك وعندي وللميلات باسورد واحد للكل كمان اي حد يفتحه واي حد يضيفه :)
بس قلت
حسيت ان كلكم بتجاملوني بوجودكم
واتكسفت من نفسي في كل ده.
وقلت
مش مشكلة بس :)
سمر
انا باعتالك الدعوة يا حبيبتي
بس اميلك لازم يتفعل
باعتة للكل فعلا وهبعت لباقي الللي عندي على الميل
اسفة قوي لو بدون قصد حد زعل من أي حاجة بجد
sama masr
انا مش عارف هو تعليقك ليا انا و لا لآ
بس انا مجاليش حاجة :)
أها
لو حضرتك تحب تشترك معانا أو كدة
ممكن :)
بتكون الدعوة للمدونة بالميل
لو حضرتك تحب تشترك معانا :)
samamasr
انا ليا الشرف يا فندم :)
samamasr
انتي قصدك ان انا ابعت ولا انتي هتبعني :D
أنا بعت لحضرتك دعوة انك تكون معانا في المدونة على فكرة على الميل دلوقتي من الميل اللي في ملف حضرتك :)
إرسال تعليق